تاني يوم / الصباح الساعة 11:00
"شايلة باقة في يدها وتدق "
ايووووي زغرتي لي يا يمة هاك هاك امسكي دقي النرقص
*يابت اتي غبيانة هسي وينو العريس اخوك ترا قال بي خشمو وتاني ما جاب سيرة للموضوع ولا أكان فاتح ابوك واعمامك ما بعرفو..
*يمة قلت ليك هاكي دقي النفرح شوية اجي يخواني
دقي دقي
التاية :
ترا ترا يا العروس يلا بي مهلة حركة ورا ياالعروس
سهام شالتا الهاشمية وصدقت روحها مسكت قميصها وجرت هناك مدت يديها لي ورا ومدت رقبتا ورفعت رجولها
وجات نافضة روحها لي ورا
التاية بي كوراك:
*الخرااااابة يابت دا شنو كتحتيني بالتراب "بتنفض في روحها وبتقش بطرف توبا في وشها"
عليك النبي دا رقيص ليك مع البنات وحات الله بقيتي شبه الحمار وقت اتنفش ولا زي الجدادة لامن يهبشو سواسيوا..
*يمة اقيفي اتي هاك شوفي الحركة دي جديدة هسي ابتكرتها
"وقامت جارية ومدت رقبتها وبقت تتنقز " وتغني بصوت عالي
ترا ترا يا العروس يا سهام بي مهلة ياالعروس
وررررر جرت هناك نهاية الحوش واخدت ليها نقزتين وجات راجعة لي ورا وررررب
وااااااي يمة الحقيني..
__ __
"بنادي:
—سلوان سلوان تعالي انا عايزك انتي وامي قبل تطلعي شغلك..
*ايوة مالك في شنو يا مدثر "شايلة رقية بتهوزز فيها"
"سكت حبة كدا وعاين لي بتو"
—شوفو لي مرا!!!
"انا طوالي قعدته واتهجمته مع اني شفت فرحة امي.."
رديت ليه:
*مدثر جبت الكلام دا من وين فجأة كدا؟!!
امها : اجي يابتي اخوك داير يعرس اتي دا سؤال شنو؟!!
*يمة عرس شنو البجي بالطريقة دي؟!! مدثر انت بتقول في شنو اوعي تكون القاشرة دي لاقتك امس بالليل ياها لاصقة جمب باب بيتنا دا ليل ونهار.
—كدي قولي بسم الله هسي قاشرة شنو ومنو هي اصلا؟!!
*طيب شنو عرس كدا فجأة ضربت في راسك " ضميت رقية علي اكتر"
امها : يابت ما عندك شغلة بي اخوك قال داير يعرس دايرة تحميه كمان؟!!
*يمة دا ما القصد بس استغربته لانو مدثر "وسكتت"
—فاهم قصدك يا سلوان، ومروة في قلبي انتي قايلة البحب زول بسهولة كدا بنساه ، وبعدين انا فكرت كدا عشان مصلحتكم شايف امي تعبانة طول النهار مع البت ورقية بتكبر كل يوم امي ما بتقدر عليها وانتي في الشغل اليوم كلو وبعدين انتي حا تنسي حياتك معاها ولا شنو!!؟
سلوان احمد قبل كدا خلاك عشان....
أنت تقرأ
شارع ال60
Nouvelles#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
