سلوان : " عاينت ليهو جوا عيونو "
داير شنو من سلوان !!؟ الغرض من رسايلك لي شنو ؟؟
مالك : انتي ! انتي الغرض ... و انتي الرغبه و انتي الهدف !!
" قبلت منو يميني في الارض و مسكت جوانب راسي بي اصبعيني بفرك دائري "
سلوان : ياااا رب !
مالك : اتكلمي ما تسكتي ما هو انا ما عارف انتي حاسة بي شنو ! شوفي شوفي عايني لي هنا " خبطت تكتين في الطاوله عشان ينبهني و ارفع راسي اعاين ليهو "
سلوان " رفعت راسي عاينت ليهو "
مالك " سحب نفسو لي حافة الكرسي عشان يقرب المسافه ، و عاين لي بي نظرة اخدت قلبي شديد "
شوفي يا سلوان ، مافي انسان في الدنيا بيحب فكرة انه يكون مرفوض من قبل انسان تاني خصوصاً لو هو عايزو شديد ! و عشان زكون واضح اكتر خليني اتكلم عن نفسي !
انا كا مالك صعب علي اتحمل فكرة اني اكون مرفوض منك لاني من اول وهلة شفتك فيها و انا ما كنت حاسس بي حاجة غير اني " عايزك لي "
بعدها مباشرتاً شفتك شايله شافعه في نفس مكانا القاعدين اسي فيهو دا و معاكي والدتك و اتأكد من انها والدتك امبارح في العرس !
لاني ما نسيت اي طرف من نحيتك ! ،، و ما حكمت عليكي باللي شفتو دا و سألت زميلتك اريج و قالت لي انك متزوجة و ان دي بنتك !!
و حتى لمن بعدت ، بعدت مُجبر اني كان لازم اسافر و بعدها دخلت في دوامة مشاريع لا على البال ولا على الخاطر ! و برضو م نسيتك بس م كنت بفكر قيكي بنفس رغبتي !
لا كنتي بتخطري على بالي و كنت بدعي ليكي من غير ما اعرف عنك حاجة .. و سبحان الله بعدها جيت اجازة السودان و جيت هنا مع اختي و صحبتها و اتوقع شفتيني في اليوم دا ، بس انتي م متذكرة لكن انا م نسيت ، و لمن جيت داخل سمعتك بدون قصد و انتي بتهظري مع اريج بتقولي ليها :
" الله يعرس لي و ليكي او حاجة زي كدا "
المهم اثبتت لي انك م متزوجة !! وقتها فرحته بيني و بين نفسي و اعتبرتها اشارة من رب العالمين لي قلبي ! و رجع لي املي فيكي ، بس وقتها ظروفي ما كانت تسمح لي اني افكر في نفسي لان في ظروف خاصه كانت حاصله لي اختي !!
و بعدها انجبرت اسافر تاني .. و عشان اكون قريب منك ما كان عندي حل غير اعرفك بي عن طريق الرسايل !!
انا كنت متواصل مع صفحة Gift بالـ "Facebook" . عشان رسايلي دي توصلك لانهم بيوصلو الهدايا و الطرود في بلدان معينه و من ضمنهم السعوديه و السودان و الامارات و مصر و ..الخ !!
يعني حتى ظروف المحل و الركود اللي كنتو مارين بيهو كنت عارفو من خلال صفحتك و التقيم حقكم و التعليقات السلبيه اللي كانت بتواجهكم المهم الضجة اللي كانت حاصله ! كان لازم ادعمك معنوياً ...
أنت تقرأ
شارع ال60
Nouvelles#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...