رقية بتحكي !
قلت ليهو : ( بي صوت برجف ) كيف يعني ؟
مش انا مرتك و حتدافع عني ! و حتنتشلي من اقصى قاع اليأس الى النور ! دا مش كلامك لي ( و انا رجليني بترجف ماقادرة اقيف عليها ، و ماسكة جزء من ملابسي ) ! محمود ! هظارك دا تقيل شديد و انا ما قدرو ! انت ما عارف انا حاسه بي شنو اسي !؟
عاين عاين ( بتأشر على السرير ) عاين انا خسرته شنو عشان بحبك !
__ حبيبتني اكتر من نفسك! لانك لو بتحبي نفسك ما بتفرطي فيها ! و دي جزاة كل وحدة راسها خفيف ! و بالمناسبه خسارتك دي ما بتعني لي اي شي !
يعني شنو يا محمود ( و وقعت على رجولي البترجف ) !
__ يعني بعد كدا ممكن تمشي تكلمي سلوان ابو الدفاع حقك ! و كان قدرت ترجع ليكي الشلتو منك تعالي قابليني هاهاهها!
استجمعت قواي ! و شتاتي و كان نفسي ارجع بالفقدتو ! لبست بدوني وعي كامل ، و بين كل خطوة والتنبه كنت بحس رجلي ماشايلاني ! لمن محمود قال لي وهو بحاول يمسكني من خشم الباب :
حتمشي وين اسي ! الداخليه حتكون قفلت ! تعالي بيتي في حضن راجلك حبيبك و الصباح رباح -
دفرتو بي قوتي الباقيه : ( بي اقوى حس لي ) زززززح مني ... ززززح مني ( زي حالة هستيريا ، بس بكورك ) ززززززح مني ! مزززح مني الله لا يسامحك الله لا يوفقك ! انا حا اموت.. انا حأموت ( بترعش و برجف للمن طلعت من البيت )
( بي خوف ) البت دي ما كويسه ! ما عارف ليه حسيت بي ندم !
#رقيه بتحكي !
طلعت للشارع و وقعت في ركن تحت شباك بيت من البيوت ، كان ضلام شديد ! بقيت لامة جسمي علي و برجف ، م بعرف قعدت كم ساعه هنا و كل جزء فيني بيرجف !
لمن طلعت شارع الزلط! و يا الله و امين كنت برفع يدي عشان اوقف لي مواصلات توصلني لحد الداخليه ! م كنت عارفه الساعه كم بس كنت عارفه الوقت اتأخر ! بقيت حاسه بي عدم توازن لمن لمن اترتعته لي ورا و وقعته ! وقعته و انا مادة يدي مسافه طويله شديد !
كل المتذكراهو في نور بتاع عربيه جهرني شديد ! و زول بيسند فيني و كان بيتكلم بس ما عارفه هو بيقول في شنو !
#في جانب سلوان !
مرووة ... مرووة !! ( بهز فيها ) قلت ليك طالعه ضروري ما سامعاني ! مروة !مروة ... ( لمست وشها ،) يا لطيييييف يا لطييييق ! جسمها نار .. ياربي حاصل عليكي شنوو مش خليتك كويسه ! جسمها كان عرقان لمن ملابسها مبلوله !! يا ربي يا مروة! الجنى دا كان بتعجبك قدر دا اسلم حل ينزلوهو انا لازم اكلم مدثر !
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
