شارع ال60

٩٨

فيديو بصوت سحر ... احضروا فيه اجابات كتيرة لتساؤلاتكم ...
قراءة ممتعة
ــــــــــــــــــــــــــــــــــــــــــــ

#جانب_عزالدين
#واتساب ..

[أنا بحبك ] !!؟
[ والله ياخ انا ما حصل قلت ليكي بحبك ولا حصل بينا كلام اصلاً الا في وفاة امي ، و ما عارف انتي جبتي الكلام دا من وين او وصلك كيف ]

ردت :
[ بس كنت دايرني ]
رد :
[ يعني لو دايرك معناتو بحبك ؟ انا ما عارف انتي غايتك شنو او عايزة توصلي لي شنو من خلال كلامك دا ، و كنت ساكت طيلة التلاته شهور الفاتو ديل عشان عايز اعرف اخرك شنو .. بس اتماديتي ] !
ردت :
[ اتماديت ليه عملت ليك شنو غلط ؟ ]
رد :
[ غلط اكتر من انك ترسلي لي راجل كل يوم والتاني و اخر شي بتتكلمي عن حب و ما حب في حين انك على ذمة راجل !! ]
ردت :
[ على فكرة انا و راجلي واقفين على باب الطلاق ، و انا ما غلطته ، بس تقدر تقول ندمته اني وافقته على راجلي دا ما كنت عارفه انك ناوي تطلبني للزواج في وقتها ] !

رد :
[ يعني وبعد عرفتي الحصل شنو ؟ و لا الندم لي شنو من الاساس و مافي اي حاجة كانت بتربطنا بي بعض ؟ و تطلقي او لا دا آخر همي يا هاجر و ما اقول الا ان ربنا يصلح حالكم ، في النهاية انتي زولة دين حسب المتذكرو عنك ، فا ما عارف الحاصل عليكي شنو ؟ ]

ردت :
[ انا زي ما انا ، بس .. انا بالجد ما عارفه الحاصل معاي شنو ! طيب ممكن اسألك سؤال ؟ ]

رد :
[ اسألي ]
ردت :
[ انت زوجتك اسمها منو ؟ ]
رد :
[ زوجتي انا ؟؟ سبب السؤال شنو ]
ردت :
[ سلوان و لا ندى ؟ ]
رد :
[ !!!!!!!! ]
ردت :
[ رد علي لو ممكن و انا ححكي ليك مل حاجة ]
رد :
[ ندى ]
ردت :
[ طيب و البتشتغل في المحل ديك وضعها شنو ؟ صحبتك يعني ؟؟ ]
رد :
[ انتي بالطريقه دي بتدخلي في خصوصياتي ، و انا ما فاهم انتي حتستفيدي شنو لمن تعرفي مثلاً ! يا انسانه انتي ليكي حياتك متشربكة في شنو انتي ؟؟ الرجعك شنو اصلاً ؟؟ ]
ردت :
[ على فكرة كلامك جارح شديد و انا بحس برضو ، على العموم انا ما دايرة منك حاجة و ما حا اقبل اني اتهان زيادة عن كدا ، بس انا شفتك مع سلوان من فترة عند المحل ، و كنت قايلاها ندى حسب م عرفت من اخواتك ان زوجتك اسمها ندى .. وقتها الغيرة اكلت قلبي ، حسيتكم مبسوطين شديد في حين اني كنت مارة بي مشاكل مع اهل زوجي ، حسيت ان مفروض اكون انا في مكانها ما هي ، ختيت الموضوع في بالي .. سافرت لي نسابتي و جيت من يومين ومشيت المحل .. ]

رد مقاطعها :
[ البتقولي فيهو دا كلو ما بيهمني ، و طالما ربنا سترك مافي داعي تظهري سترو و اتعلمي انك تتمني الخير لي غيرك عشان ربنا يرزقك بيهو ]