#ملحوظة : { في نهاية الحلقة الفاتت الحوار كان عمهم ما ابو سلوان كان في تعديل املائي في الجزئيه دي و نزلت الما معدله بالغلط }
__ ! قولي موافقه ما صعبه انك تنطقيها .. سلوان انا بحبك !
**احمد موافقة...!! "رددتها " موافقه على شنو يا احمد كدي دقايق بس " اتوترتا و مساكة اصابعين يدي علي و بتلفت بشوف امي " !
__ سلوان ! " اتقدم خطوتين قريب علي "
فراقنا فاتت عليه شهور كتيرة و داخلين على قريب السنة ، و من وقتها ما شرقت علي شمش ما طريتك فيها ، و لسه بريدك بالحيل شاهد ربي ، و الندم كان برجعك لي وحاة الله ندمان ، و قُتها ليكي الاسباب الفرقتنا هسي قبلان بيها !
** " بقيت بسمع في كلامو و ما لاقيه رد منطقي اقولو و ما عندي حجة اتحجج بيها ، اول مرة احس بالخوف كدا ، و ما اكون قادرة اتصرف ، بقيت بتمتم لمن حسيت بي يد عمتي في كتفي اتلفت مخلوعه بسبب شرودي " !! بسم الله " عصرت عقدك حواجبي بي يدي " عمتي !!
التايه : سمعتي و لا جابوه ليك يا بت يا سلوان " تكلت يد في يد و سندت حنكها بي وحدة احساس بتفكر " خبارك من دييك و عيييك ، عاجباك المدينه مش كدي النصيحه تعجب عاد نورتك تسوي كدا ! " طنطنت سمحه سماحة الطين مشيم " و عينها وقعت في عمهم القاعد في العنقريب و تاكل حيلو على عصايتو ، قالت ليهو بي خخت يدها في حنكها و خبطتا في اليد التانيه الكان في بطنها " اتا مالك ما مرقته علي اناس ديل يا جبارة !
رد ليها بي تعظيم نفس و ابتسامة مبهمة : صبراً يبل الآبري يا التايه ! اصُبري ..
احمد : يمة ! الكلام دا ما وقتو " ابتسامة بلطف بيها الجو " عندي كلام مع سلوان ! " بي يعاين لي عمو الاستلم الموضوع "
عمهم " جا فازي بي عصايتو ، من العنقريب " : موضوعك دا عندي انااا دا " خبط صدرو " نضميك دا سمعتو جت عليو ! كلام شنو البتقولو تاني هاه " رفع راسو لي فوق و تاكي على عصايتو " دا ما كلام فيو راااي ، معرووووف من زمان احمد لي سلوان و سلوان لي احمد و ما جديد عليكم ياهوو خابرنو اظن البت لي ود عمها ! و هااااكم قووولي دا !
دام اصوو كدي كدي الجماعه ديل جو بي قولت الخير اللت سهام المهلة فوق شني ؟؟
نعقد فد مرررة نتمم حق سهام و سلوان و احمد ، و انا هسع " هبد عصايتو في الارض هبدتين "اااكلام دا هسع بوصلو لي احمد اخوي و باقي عمامك ها !
و مرقه على الخرطوم تاني مافي "بي تحذير " و المراة كان فاس ما بتشق الراس ! " اتلفت على امي القاعده و متمحنه " و قال ليها بي حس آمر و هو مارق على الديوان ! [ جهزي بتك يا النخيل و باللفي والما في بنتمو تب ] !
سلوان : " وقتها حسيت اني قاعده اواجه مصيري ، مصير لا بد منو، الخوف الحسيتو في اللحظه ديك كان اكبر مني ، انا ما بحب اكون خايفه ، بس وقتها ربطت نفسي بي رقيه !! يعني هي كانت حاسه بي نفس احساسي دا وقتها ؟؟ قلبها كان مع محمود و انا قلبي مع عزالدين ، يعني المصير دا لا بد منه ؟ يعني انا حأعيشو ! وين شخصيتي القويه ديك ؟ حصل ليك شنو يا سلوان مالك ما قادرة ترفعي يدك و تعترضي و تجوطي زي ما بتعملي دايماً من متين انا ضعيفه كدا ؟؟ صوت صحبات عمتي الحاضرات وقت مشت عليهم عمتي سمعتهم بقولو ليها " :
{ اتي دي ياها سلوان الزمان ديكي ! هي مالها بقت طيبانه كدي و بالعه حسها ؟ }
عمتي ردت ليهم : { وحاة الله ياهو المحيرني زاتي باقيه لي مسيكينه مسيكنه كدي ، فجأتن كدي دررتها و اكان بعقدو هسي دي انا ما خالفن رأي ، اصو المشاكل انا فارقته دربا }
احمد : سلوان ! الحاصل دا حقيقي ؟ يعني خلاص بتبقي مرتي ؟
أنت تقرأ
شارع ال60
Cerita Pendek#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
