النخيل : قلقتي بينا يا سهام يا بنيتي الله يهديك بس !
احمد : وحاة الله لو ما عمتي و مدثر مسكوني منك انا كان فتحت ليك رويسك دا نُصين!
سهام : معليش ... " بي تردد " ممكن ما نمشي الدخينات الليله ؟؟
احمد : عدك شنو اتي ؟؟ و بعدين امك ما بتصير اكتر من كدي و انا بمش اوصلك و راجع تاني !
سهام : سمح خليني مع عمتي شويه !
النخيل : خليها يا وليدي وحاة الله مُفرقة علي قُعاد النهار دا !
احمد : و العرس يا عمتي !!!؟
النخيل : اصبرو هاه الدنيا ما طايرة ! و كان على التايه اضرب ليها انا بكلما !
سهام : " قامت قلدت النخيل "
النخيل : اتو مدثر فات مش ؟؟
سهام : ااايا ...
{ دبي - في مطعم كانت الساعه 10:30بعد رجعو من حفل عرض الازياء }
ندى : اتحلت صح ؟؟؟
مالك : ااايوة حمدلله .. مددتو لينا يومين زيادة .. المهم مبروووووووووووك يعني ما قادر اصدق الحصل الليله دا انا فخور بيكي ، لمن اتقال اسمك و انتي في المنصة و البنات حولينك لابسين عباياتك، كان نفسي اكورك و اقول انك اختي !
ندى : انا كمان م مصدقه ! مجرد شخبطه م اتوقعتها تزبط ، هه سبحان الله ربنا كريم في عطاءه !!
الصباح كنت فرحانه بي عقد واحد واحد ، واسي بعد العرض دا بقو 8.. انت متخيل لمن ينزلو المحلات الحيحصل شنو ؟؟ " ختت يدها في وشها " م قادرة اتخيل ....
__ انا فخور بيكي ! و شكراً لانك حققتي وعدك لي .. وحالياً قبل الكولكشن ينزل الاسواق حشتغل ليكي على التصميم للموقع حقك ! و كويس انك اتراجعتي عن اسم كشخه دا لانه ما بيمثلك كـ سودانيه !
ندى : يبقى قشرة كولكشن يعني؟
__ م شرط ممكن تتجهي لانجليزي ! على العموم عندك وقت قدامك ...
ندى : طيب ركز على مشروعك انت اسي ! كلو ملحوق عندي ان شاءالله ... و لسه انا منتظرة منك رد على فكرة !
__ مبدئياً م حابي يكون ليكي تواصل بي معارفا ، لكن بيها شخصياً دي انتي ادرى بيها ! و .. { صوت اشعار رسالة واتساب في تلفونه الكان في الطاوله }
عزالدين : [ الطيب مافي منه اخبار و فات زمن على مواعيدو ، اتكنسل سفرو ولا كيف ؟ ان شاءالله عافيه لانه رقمو مقفول ]
مالك " ملامحو اتغيرت و قفل شاشة التلفون و ختاهو من يده "
ندى " منتبهه" : في شنو ؟؟
مالك " متردد " : ندى ! م عايز انكد عليك او ازعجك او اسبب ليكي ضيق بس ما قادر اسكت اكتر ! ممكن تحكي لي سبب طلاقك الرئيسي من عزالدين ؟؟
ندى : " رجعت بي ضهرها على الكرسي و شربت من العصير " سؤالك دا لو كان جاني قبل اللحظة دي كنت حعمل زي م كل مرة بعمل ، بس بتذكر اني امبارح قريت استوري لي سحر سمير كانت بتقول فيهو ان : { قوة المرأة ثورة } و الليله حاسه اني قوية شديد ، يمكن قبل م كنت بفكر في العواقب ، بس من لحظة قرار طلاقي و انا بفكر في انه م ابقى الحاجز بينك و بين خوتكم و صداقتكم و انه م اربط فشل علاقتي بيهو بي صداقتكم ..
بس حا اقول السبب لاني اتعافيت تماماً من عزالدين
يمكن م تصدق بحكم قُصر المدة لكن دا الحاصل ..
نجي للسبب .. انه كان على علاقه بي وحدة تانيه ، بيحبها وبينهم علاقة حب ، من اول زواجنا كان في كذا خلاف بسبب انه كان بيقول اسم رقية وهو نايم .. و حسب الفهمتو انه على علاقة حب قديمة بيها و تقريباً فترة زواجنا انفصلو و عرسني انا و بعدين رجعو !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
