شارع ال60

٢٤

بكرة ان شاءالله حينزل مشهد صوتي جديد 

على صفحاتنا الخاصه ♥️

*انت بتستهبلني يا محمود قلت ليك انا وقفت بعيد وكنت شايفة انفعالها فيك ما انفعال عادي دا كلام زول بعرفك كويس

البت دي منو يا محمود عاوزة اعرف هسي دي؟!!!

-مهاد اسمعيني بالتلفون ما ينفع تعالي بكرا المعهد ونتكلم..

*ماف اي كلام بيني وبينك امش اتكلم مع البت المشيتني عشانا وشفتها هاجت فيني كيف وخشمك دا ما فتحتو ليها .. انت بتعرف الاشكال دي من وين زاتو ؟!!!

*اااوف ياخ قلت ليك ما مهم الموضوع كنت بقرا معاهم ودي واحدة كانت رامية روحها فيني ما اكتر..

-انا ما مصدقاك يا محمود البت دي كانت محموقة وبتتكلم بنرفزة ورفعة يدين وشايلة جواها كتير وانت بخلعة قلت ليها سلوان لما شفتها؟!!

منو سلوان دي وقصتها معاك بالتفصيل عاوزة اعرف وهسي في التلفون ولا والله حا افصل وكل زول في طريق.

*تمام خلاص طيب طيب  اسمعيني يا ستي سلوان دي كنت بحب صاحبتها وما حصل بينا النصيب هي من قرية وانا اهلي مستحيل امي توافق عليها فااا بس ياستي شرحت ليها الموضوع اننا ما بننفع لبعض والكلام دا طوووول ومنها خليت الكلية الكنت فيها وهي هسي ما بعرف وصلت لي كيف وجات ترجعني لصاحبتها وبس ..

-غايتو جنس غايتو البنات ديل الواحدة يكلموها بالواضح وبرضو ما تخليك..

*اهااا شفتي دا كل الحصل والله انا اسوي شنو بس ما بحب احرج بت..

-خليها انت تاني ما تتكلم انا بقيف ليها واوقفها عند حدها دي واحدة ما متربية بس ..

*ما عندك شغلة بيهم ديل ما محترمات وممكن تدقك البت دي ما بتقدري عليها..

حبي انتي كيوته وراقية ما عايزك تسمعي كلام فاضي وتدخلي في مواضيع فارغة زي دي تنفسني .. اصلا هسي نحن بنحب بعض شديد وكلها فترة ونبقي مخطوبين رسمي ما عاوز افكر في شي يزعلنا اوكي حبيبي..

-عيون حبيبي خلاص نسيت الموضوع اها .

"قفل منها ومن جواه رغم حبو الشديد لي مهاد الظهرت في حياتو من اخر فترة علاقتو ب رقية وسحبتو منها ...