#جانب_مدثر
** : الموضوع ما بيتحمل تجارب ، بكرة زي
دي ممكن تبقى ليك نقطه سوداء في حياتك !
__ حياتي فداك ! لانها ما ليها طعم من غيرك !
** بتختيني في حته ضيقه شديد !
__ #بحبك طيب !
** : انا لازم اقوم امشي " قايم "
__ مدثر ! انت ليه قافل كل الابواب في وشي ؟
** عشان انتي فاهمه الحب غلط يا سلمى ، العلاقات ما بالبساطة دي " رجع قعد " تقدري توريني انتي اسي بتعرفي عني شنو ؟ ها ؟؟ حبيتي فيني شنو و انا شهر م تميتو معاكم !
__ ما الا وجهة نظرك للحب هي التكوون صح ، الحب م محتاج اسباب احياناً ، من خلال معانلتك ساي كدا مع الناس انا ممكن احبك وين الغلط هنا ؟
** شوفي يا بت الناس ، عشان ما تشيليني ذنبك ساي ، ما تتأملي في حاجة ممكن تحصل بينا لي قدام ، يا ريت نظرتك لي ما تتجاوز حدود الزمالة و الشغل .. عندك رد تاني ؟
__ الفي محلي كان مفروض مجرد ما سمعت منك الكلام دا تقوم تمشي ! بس رفضك لي من غير مبررات واضحه دا بيخليني افكر في اني ناقصه حاجة او اني شينه مثلاً و ما بشبه المقايس اللي انت خاتيها للانسانه البتتمناها !
** نظرتك للامور سطحيه شديد ، شينه ولا سمحه ، انتي ما خلقتي نفسك براك و مجرد التفكير فىي الامور بالطريقه دي انتي كدا بتقللي من نفسك ، انا عندي أم و عندي اخت و عندي بنت مخليني ما قادر اشوف لي بت شينه !
__ شنو. !! عندك بنت ؟؟ هه ما حصل جات سيرة انك متزوج !
** مكان الشغل للشغل ما للحياة الخاصه ! " تلفونو بيرن "
__ " متأثرة " هممم فهمته !
** لحظة ، ارد على المكالمة ...
" ملخص المكالمة "
( ايوا يا سلوان ... امي !! اها ، ما جات لحد هسي ؟ طيب طيب انا جاي اسي ، سلام )
انا مضطر امشي اسي ، بالنسبه للموضوع اتوقع اتقفل صح ؟
__ اكيد " بي ابتسامة " انا كمان مفروض امشي بعد كدا .. يلا
** تمام .. حابة اركبك ؟
__ لالا يسلمو يا مدثر ، امشي انت !
** تمام .. سلام " و جرى " !!
#جانب_سلوان ..
#في_الشارع
اريج : ننويه ارجعي ارجعي عند حبوبه فالحه حقدم خالتو سلوان واجيكي يا ماما ما بتأخر ! " جات انشعبطت فيها " حييه انا من بتي يا سلوان تعبتني شديد والله ! من تشوفني لابسه دا تاني خلاص ما بتفكني كلو كلو ، شفتي لمن اجي الشغل دا والله الا بالسرقه ..
أنت تقرأ
شارع ال60
Nouvelles#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...