شارع ال60

١١٢

{ مبنى اداري }
" اصوات همسات و كل اتنين ماسكين اضنين بعض ، و انظار الاعجاب حوليهو ، وحدة معلقه بي "
— شكلو في الحقيقه احلا بي كتير .. حييية انا اريتو راجل خرفي المابفوت طرفي !
ردت ليها زميلتا بي نفس مستوى الاعجاب :
بالجد ياداب استوعبت معنى كلمة هيبه حرفياً ، سبحان الله من دخلتي علينا مُلفت ، حتى القميص الابيض و البنطلون الاسود رغم عادية الالوان الا انه تحسي بيهو مميز اللونين ديل !
__ دا النجاح ! لو كان مجرد زول عادي ما سمعنا بيهو قبل كدا صدقيني ما ظنيت كان حيكون مُلفت للدرجة دي !!
قالت ليها :
انا بختلف معاكي في النقطه دي !! معنى كلامك دا ان الزول دا ما وجيه و انا شايفاهو بعيد عديل ما وجيه ساي ... هو اسمو مالك و ملك قلبي والله ..
__ مخير الله .. م دايرة اصدمك لكن حيقعد في مكتب استاذ عماد اليومين دي ، فا عودي نظرك يختي ..

سكرتيرة " جات عليهو وهو قاعد في الاستقبال ماسك التابلت بي يد و كباية القهوة في يد " : صباح الخير استاذ مالك ، استاذ (نبيل - م تركزو ) في انتظارك جوا ..فا لو حضرتك جاهز ممكن تتفضل معاي  !
مالك " خت الكبايه و قام معاها " ...

السكرتيرة : من هنا لو سمحته " بتأشر بي يدها " اتفضل ...

"بعد 16 دقيقه "
#المكتب ...

{ ماسك المستندات في يدو }
مالك : طيب اذا الامور ماشة تمام ليه عايز تلغي التوكيل الرسلتو ليك ؟
و غير كدا انا ما شايف ان في مشكله في العقودات دي !

__كدي خلي  موضوع التوكيل دا اسي ، و المشكله ما هنا ! العقودات الفي يدك دي سليمة و حبيت انك تراجعهم بي نفسك بعيد عن النُسخ الرسلتها ليك ايميل ، يلا المشكله عندي في التصميم (V0) دا اول عقد يتقدم لي اتنين مؤسسين شراكة ، فا اتعاقدو معانا على اساس انه محل في البداية ما اتحددت الهوية بس مع التوضيحات و الكلام اثناء المناقشه في الاساسيات و القوانين حقتنا قالو محل حلويات و حيكون فرع تاني ، رغم انه شرحنا ليهم ما حيزبط بس كانو مصممين شديد على المخطط دا  !

مالك : " استعدل و ركز في كلامو "
بس دا ما حيزبط لي محل بالشكل دا ! و حيكلفهم كتير شديد ، معليش يعني رغم ان الفايدة راجعه لينا بس ديل بالطريقة دي كدا كأنهم بيرمو قروشهم في النار ! و في النهايه هم احرار طالما عملت العليك ..

__ اي ما انا جايك في الكلام ! اولاً الموقع جوا المنطقه فاهمني انت صح ؟  يعني ما مناسب للمقايس دي لو فعلا محل حلويات و هما الاختارو الموقع دا تحديداً من بين تلاته مواقع ، و اختيارهم غريب حسب خبرتي و نظرتي ، بس للاسف  برضو ما دي المشكله ، المشكله ان كان في تاريخ بينا و زي ما عارف انحنا جاهزين طالما المبنى قائم ما عندنا مشكله في التواريخ ، فا..
**فجأة تلفون مالك رن **

مالك : ازنك يا استاذ !

نبيل : اتفضل .. اكيد اخد راحتك ..

#ملخص_المكالمة