شهقتا مع الخبطة و رجعت لي وراا اتخلطت في اكرة الباب ضربتني في ضهري ! لمن نزلت في الارض بتآووى من الوجعه و مغمضة عيوني !!
"احمد جدع التلفون و اللمبه و مسكني و رجع فكاني بي خلعه " : سلوان !! كويسه انتي ؟؟؟
سلوان : كويسه انا ! " خاته يدي في ضهري تخت ضلعتي مكان الضربه "
احمد : يا عمتي ! يمة !! عمتي صفيه " ام رقيه " !!
سلوان "بحاول اقوم " : جايط في شنو ! انا كويسه !
احمد : كويسة شنو بس !
النخيل : سلوان ! في شنو يا بتي ؟
سلوان : حاجة بسيطه ! م تقلقي هاكي التوب اسي كنت جاياك !
احمد : انا اتخبطت فيها ياعمتي بدون قصدي
النخيل : اجي وعي الاتخبطت ولا انت ! مالك واقف متجرس كدي ! بتي قويه هااااا !
سلوان : بتك قوية لكن حرقتني ههههه !
النخيل : " بقت تدعك ليها محل الضربه " : خلاص راحت امسكي اللبسي !
التايه " جاية متجرسه " : اقنعيو يحنن كرعيهو يا سلوان !!
سلوان : خلو بي راحتو ! مش حنن يديهو ؟ خلاص !
التايه " بتعاين في احمد " : و اتا هاا مبحلق في البنيه خبارك ؟؟؟ انجر كدي من الدرب ! و اتي هاا امشي اتبخري !
النخيل : حافظ الله !
" بقينا قاعدين في الحوش لي حته الحريم و العنقريب حق الحنة خشم الباب فيهو مدثر و حساب و صاحبهم التالت جمب الصيوان ماشاءالله تبارك الله الصيوان يملا ويفضى بالرجال ديل و الزغاريت ما تديك الدرب ! شويات و جونا داخلين بالحلويات الاسناكات حقت عم اسماعيل القالها لي الصباح ! كفو الناس ديل كلهم !!
و الاغاني شغاله بالسماعات .. التعب الكان فيني ما بيتوصف من الارهاق و الضغط وعدم الراحه ..
رغم الفرح الا اني كنت حاسه نفسي محتاجة الزمن دا يمشي عشان ارقد و ارتاح "
#العربيه !
تسنيم : اكسري شمالك و اقيفي !
ندى : الاشتراك عندهم بي كم في النادي دا ؟؟
تسنيم : والله ما#مقاطعه!
لهوم : عملو لينا اسامة راجلي ! عشان الاولاد كمان !
خالتا: كنا محتاجين للطلعة دي والله
ندى : اي والله اشتقت للمتكم ! كان شلنا لينا سيرمس شاي ولا حاجة طيب !
تسنيم : ارح انزلي .. سجى هي انزلي فكي اللعبه دي من يدك !
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
