عارفين احساس انك بس عايز تكون براك ؟
عايز تنفصل عن الناس الحوليك بس في اللحظات دي ؟ احساس انه ما داير تتكلم بس داير تسكت و تنفرد مع نفسك من غير ما يتوجه ليك اي سؤال ؟ دا كان احساسي وقتها ، ما كنت عايزة اكتر من كدا !
الاحساس الحاساهو اسي دا وراني قدر شنو ان الحب دا ما حاجة هينه ما حاجة تافهه ، قادر يرفعك و قادر ينزلك و كلو في كسر من الثانيه !
ما دايرة اكتر من اني اكون انسانه طبيعيه في اللحظة دي ، عايزة امارس كل حاجة انا حاسه بيها اسي و اتخلا عن قناعاتي و مفاهيمي ما انا في النهاية انسانه برضو !
لالا " بتهبب بي يدها في عيونها "
لا لا سلوااان " بي صوت بترعش " اوعي تبكي
حيعدي على خير و الله حيعدي " ختت يديها على اضنيننا " حيعدي
استحملي استحملي كمان حبه بس حبه بس
ما تبكي اوعك اوعي تخونيني " بتكفت في نفسها " ياتو يوم بتبكي وررررا زول ياتو يوم
اااه يا ربي . حتعدي على خير " بتترعش زي البردانه " حا تمر .. تمر و ما حتضر يا عزالدين اوعدك
انت ما اغلا من اللي فاتو قبلك " بي صرااااااخ "
" فجاة سكتت مسافه "
دا رد الدين ! بس بس بس عرفتو " بتضحك بي حس بكيه " بس دا دين احمد ، ما اصلو سد الدين حااار
هههههه
طيب خلاص م مشكله يا سلوان ! نبكي هسي بس ؟
مرة وحدة الوجعه ما عيب .. الوجعه ما عيب .. الوجعه ما عيب " بتكررا و تردد فيها اقرب للحن "
فيها شنو يعني لو بكيتي من متين بتهربي من نتايج افعالك ، زي ما كنتي بتتعاملي مع شغلك ع انه مسؤلية ! ولازم تتحملي العواقب ، اسي كمان قلبك مسؤليتك و الوجعه ما عيب !! الوجعه ما عيب هههه ما عيب " بتمسح في رقرقراق عيونها و بتدندن " الوجعه ما عيب ماعيب
" باركة و بتتهز"
تتذكري يا سلوان لمن كنتي بتقولي ، ان " الحزن جند من جنود الله ؟ "
و الوجعه الاسي دي كمان يا سلوان من تربية الله
ربنا حبيبك ابتلاكي عشان ما كان مفروض تعلقي قلبك بي زول م مفروض تحبي عبد من عباده بالقوة دي ، ربنا غيور يا سلوان غيور على عباده هه ما لازم تنسي ان " الأرواح جنود مجندة فما تعارف منها ائتلف وما تناكر منها اختلف "
" اخدت نفس طويل حتبقي كويسه !
" قاوم برحمة الله و الدعاء "
" من سمعت صوت رجلين اريج جايه على الغرفة ، طلعت السرير و اتغطيت و قبلت على الحيطه "
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
