اها يلا هنا جايز تكون في بعض الاخطاء الاملائيه م لقيت فرقة اراجع فا شنو الناس م تركز يا ردامين😑
" طق طق طق "
يا ام مدثر "طق طق طق " ! غريبه الليله المرة
دي ما ظهرت علينا .. كدي تعالي تعالي ادخللي نشقر عليها .. ( لعد بقو في نص الحوش ) !
ام مدثر : تعالي يا بدريه انا بي جاااي بحمم في رقيه !
بدريه : سمح بنرجاك في الحوش دا دايرين الشمس دي ، " هي بتقعد " احييي يا الله !
ام مدثر " جات من جوا و شايله رقيه " : كيف اصبحتو طيبين ان شاءالله !
بت بدريه : بخير يا خالتي والله حمدلله " و بتتلفت "
ام مدثر : تعالو تحت العريشه دي !
بدريه : عاد الليله ما جيتي علينا من الصباح ، قلته لي بتي دي ارح نمرق نشقر علي خالتك دي ان شاءالله عافيه !
ام مدثر : لالا عافيه والله فيكم الخير بس ياهو قاعده حارسه البت البتغسل لي !
بت بدريه : يا خالتي انتي سلوان بتك دي مالها ما بتمرق على الجيران ، يعني من جيتو قعدتو في البيت دا ياهو اتلاقيت معاها مرتين بالعدد .
ام مدثر : سلوان ياهو ساكة الشغل دا عشان كدي بس " هووو هوووو بتلولي في رقية " !
بدريه "بي شمشرة " : دايرة اسألك ، انتي البنية السممحة الكانت واقفه خشم بابكم الصباح دي منو هه ؟
ام مدثر : منو قصدك ؟ اهااااا اريج ، دي صحبة سلوان بتي في الشغل ، ليه مالها ؟
بدريه " بتقرص في رجل بتها " : لالا ساي بس عشان اول مرة اشوفها عندكم ، عاد ماشاءالله تقول لي للقمرة زحي كدا هههه ..
بت بدريه : بري يا امي ما للدرجة دي ، شايفاها عاديه !
ام مدثر : هههه ، انا بسوي رضعه للبنيه دي و بجي ، شربتو الجبنه يا بدريه ؟
بدريه : راجنك بيها
ام مدثر : خلاص الليله نشربها بي جاي ! " و هي قايمة على المطبخ " رقيه بطلي زن حبيبة حبوبه "
بدريه : يختي انا ما بعرف من قلة الاسامي ، البت يادابا صغيرة سميتوها اسم شين كدا !
بتها : ( بي همس ) يمة انتي مالك اجي !
بدريه : اناي اسكتي اهااا شفتي ! طلعت صحبت اختو و انتي اقعدي اتكبكبي لي كدا لمن يطير من يدك ، بت صغيرة و سمحه لمن توقعو و تعرسو تعرفي ان الله حق !
بتها : اجي يا يمة ! يعني اسوي ليهو شنو اقول ليهو عرسني بالقوة ؟
بدريه : اذا لزم الامر ايوة بالقوة يختي و انحنا لاصقين في امه كدا ليه يختي ؟ ، بعد طلاقك دا البعرسك منو ؟ وريني !؟ مافي غير مدثر فرصتك الوحيدة تقنعيهو يعرسك و تربو شفعكم ديل سواا، اكان ما جا بالذوق يختي درب المشايخه دا فااااتح !
بتها : والله يا امي مدثر دا تقييييل براك شفتيهو دا الشيخ زاتو ما بقدر عليهو !
بدريه : شيخ عند امك " دقت صدرها "
" جاهم صوت ام مدثر اللي كانت سامعه الهمس حقهم من اولو لي اخرو "
__ لا حول و لا قوة الا بالله العظيم ! حسبي الله ونعم الوكيل فيكم.. حسبي الله !
"بدريه وبتها وقفو على حيلهم منططين عيونهم "
بدريه : شكلك فهمتينا غلط والله انحنا بنهظر ساي والله .
بتها : اي والله يا خالتي ما تفهمينا غلط !
__يعني انتي طيييييييلة الوقت دا ! كنتي مصاحباني عشان مصلحه ؟ يا خسسارة !! بجد سلوان بتي كان عندها حق !! انا ما حصل طردته زول من بيتي ، لكن اول مرة في حياتي حسويها .. امرقو .. امرقو يا بدريه ، وحاة الله جيرتكم دي دي تحرم علي ، الغني الله .. سوقي امك و امرقو برااا .
بدريه : اصبري افهمك يا مرةعيب الكلام دا انحنا بينا عيش و ملح !
__ بدريه ! امرقي انتي و بتك !
بتها : امي .. خلينا نمشي منظرنا بقى شين شديد ( مشت و خلت امها وراها )
__ حصلي بتك يا بدريه و اقفلي وراك الباب " و مشت قعدت " !
بدريه " بتأفاف و تطنطن " مرقت
__ لا حول ولا قوة الا بالله .. لا حول الله يارب ، اللهم اكفينا شرهم ! حسبي الله ونعم الوكيل ..
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
