يمكن دا اكتر وقت حالياً ما حتقدرو تعرفو فيهو تفاصيل كتيرة عني في زحمة الاحداث والتفاصيل الحاصله في قصتي دي !
لان حرفياً الفترة دي كانت عبارة عن ضغط نفسي من كل الاتجاهات ، و حياتي خاليه تماماً من اي تفاصيل ممكن احكيها ليكم عني !
بس وقتها كل اللي كنت حاسي بيهو ، فرح شديد كأني سجين و حيتم الافراج عنه !
مبسوط اني راجع السودان ، ما عشان طولته منه ، بالعكس انا كل سنه بنزل اجازة ، و دا سبب اني ما كنت لاقي طريقه للموافقه على اجازتي لاني قبل اربعه شهور كنت في السودان ! و الحصل لي امي دا حصل بي وراااي !
حياتي في الوقت الراهن بين بيت العزابه و بين الشغل ! و ما عارف صراحه متردد بين احكي ليكم عن وضعي هنا او لا لانه ما حاسي انه ليهو اهميه في قصتي و ما حابي ازيد عليكم كمية الناس و ادخلكم في تساؤلات ! بين دا منو و دا منو ؟
المهم ، حالياً عايش فترة اني اعد الايام الفاضله لي عشان ارجع السودان ! دا كل اللي كان شاغل بالي وقتها !
لحد ما جا اليوم الموعود بالنسبه لي !
السسودان ، لمن كنت بلفظ اسمه ساي كنت بحس روحي قاعد اتنفس بي راحه ! بالجد يا جماعه والله السودان دا ما بيعرف قيمته الا يبعد و يتغرب عنه !!
:
** حبيبنا !
__ الخبر يا ملك ! ها خلاااص !
** ااي خلاص والله يا طيب
__ ما عارف يا عزو لكن حاسي بيك كدا زي الماشي نهائي و ما عندك نية رجعه !
** لالا ياخ ان شاءالله حرجع بس اتطمن على الوالده و بعدها في اقرب وقت حتلقاني عندك و ما تشيل هم الشغل انت بس رسل لي كل الملفات ايميل و انا بنجز ليك من هناك انت راجع وسلم !
__ ياخ والله عيب عليك انت قايلاني انا شايل هم الشغل يعني والله عيب عليك !
** يا مان الشغل دا ضاااغطط علينا التلاته ما قادرين عليهو فما بالك انت و مالك اللتنين براكم ، و بعدين انا عارف انك عايز تطمن علي و انحنا اخوان مرحلة التحسس دي سبناها ! عشرة اربعه سنه في الغربه دي تاني داير شنو !
__ و الله بيني و بينك هو من نحية ضاغط فهو ضاغط لكن ما بيجي شي قدام شوفة الاهل بنتحمل والله ، انت بس اوصل بالسلامة و طمنا !
اها اجيك الساعه كم ؟
** مافي داعي انا حخلي عربيتي تحت السكن و حاخد اوبر لحد المطار ! م تتعب نفسك بس بعدين بعد الدوام تعال شيل عربيتي خليها في الجراچ حق السكن حقكم حخلي ليك المفتاح مع معاذ بس اطلع ليهو فوق !
__ كيف الكلام دا يا زول لالا ما موافق والله و بعدين انا و مالك متفقين ناخد الساعة حقت البريك حقتنا وقت حضورك للمطار و العربيه امرها محلول !
** مافي داعي لا انت لا مالك خلو بالكم على الشغل و مالك انا بودعو بالتلفون !
__ و الله ما عارف يا عزو لكن عندي احساس غريب كدا ! غايتو ربنا يوصلك بالسلامة و يطمنا عليك و كان خليتنا جينا وصلناك بس !
** ساعة ما بتكفيككم و الدوام محتاج ليكم اتشايلوها لمن ربنا يسهل !
__ طيب حتطلع متين ؟
** بعد نص ساعه بتحرك ان شاءالله !
__ خلاص عديلةربنا يكتب السلامة !
** الله يسلمك !!
الطيب و مالك ديل حصيلة غُربة اربعه سنوات ! مهونين على بعض حاجات كتيرة ! من شدة ما بنتكلم و نحمي عن اهلنا ، بقينا عارفين اهل بعض من خلال كلامنا ساي، و كل يوم بحس اني محظوظ بيهم و بدعي ربنا انه ما يخزلني فيهم !
بعدها اتصلت على مالك لمن خلصت من كلامو الكتير النص ساعه فاتت و بقيت في حالة استعجال عشان احصل السير و اعيش وقت السفر و افرح !
دي كانت اقصى همومي ! ودي كلها حياتي محصورة بين اخواني الاتنين و اخواتي الاتنين ومالك و الطيب !
و رجعت السوودان ......
من الاحداث الفاتت !
** مروة انتي ما كويسه والله !
__ مدثر ! انا عارفه نفسي ما كويسه و ما عايزة اقلقك و في نفس الوقت حاسه اني ما عيانه و ما عارفه بصراحه !
** مافهمته حاجة !
__ يعني حاسه ان الفيني دا من امبارح لليله ما عيا !
** كان ما عيا حيكون شنو يعني !
__ حاسه ان دي اعراض حمل في حين انك عارف الموضوع دا صعب شويه انه يحصل لانه براك عارف انحنا جربنا قدر شنو في الموضوع دا !
دقيقه دقيقه ! ما تفرح عليك يا مدثر عشان كدا انا ما كنت عايزة اكلمك ! شوف وششك طوالي فرح ! م تفرح عليك الله عشان والله لو احساسي دا طلع غلط حتضايق اني ما كملت ليك فرحتك دي و .....( خت يدو على خشمي )
** اشششش اسكتي ما اتكلمي( و ضماها عليهو ) ما تتوتري ، انا كان في حاجة مفرحاني ، ياهو وجودك معاي يا حبيبة قلبي انتي ، و اذا احساسك دا صح فا دا من نعمة ربنا علينا حامدين و شاكرين و اكيد حفرح لانه منك و حته من روحك ، و لو احساسك غلط لا قدر الله ، برضو فرحان بيك لاني شايف فيك كل حاجة ممكن تفرحني ، يكفي وجودك معاي ، و ما دايرك تتضايقي لانه ما تتخيلي ضيقك الامس دا مضايقني قدر شنو لاني حاسي نفسي عاجز و حرمتك من اهلـ.......*قاطعتو !
__ لالا عليك ما تكمل ! بس م تنسى ان دا كان خيارنا انحنا الاتنين و رغبتنا و......( الباب خبط )
** اللبسي ليك توب اشوف منو !
__ طيب ! ( بعد مسافة )........
منو في الباب يا مدثر مالك صنيت كدا بسم الله ! الجانا منو ؟؟ اجي دا مالو ما بيرد ! بتكون جارتي جايبي لي العجين ! مدثرررررر
مشيت عليهوو ! لقيتو ماسك الباب و واقف مخلوع !
و كانت الصدمة !!!!
!!
__ والله ما بخليها يا يمه
** انتي بس قولي غيرانه !
__ دا كلام شنو انتي في صفي و لا في صف البجم ديل ! و بعدين اغير منها في شنو يعنييي ،كان للصفار واللون دا اهااااا من الله ، كان للعرس واقفين لي صفف و كان للقرايه الخلوى مالها عيبيها لي ، و كان للعيون قدر الليله و باكر ! يمه هووووي ما تغيظيني ساي سبب واحد يخليني اغير منها ماف و كلو كوم و رُقية كووووم تاني ! اتعلمت الفصاحه و بقت ترد زي الناس كمان و كلو من الملعونة السجم ديك !
** كدي اخدي نفسك الكلام ملحوق ما طاير !
__ يمة انا متغايظه و انتي خاته يدك في مويه باردة براك شفتيها قلة فيك الادب دايراني اسكت ليها !
** سمح مالك ما جبتيها مع الوطا دي و فركتيها فرك ! و لا فالحه بس تنضمي و تتوعدي النهار و الليل و ما بشوف منك لا احمر لا اخدر !
انتي ما تنحشري في نصنا عشان ما تشيلي وش القباحة مع خالك ! لكن ان دايرة تركزي مع الصفيرا ديكي ما بسألك ان قدرتي عليها نجميها و ادعكيها مع اللرض دي بس اووعي تتعرضي ليها قدام زول ، كان كبير و لا صغير ! براك عارفه الحلة دي الفولة ما بتتبلا في خشومن !
__ قلتي كدي !؟
** كدي و نص و خمسه ! يا طفشناها من البلد دي يا طفشناهااا ، انتي بس اشتغلي حق التحت التحت و قدر الله ما يديك سوي مشاكل بينها و بين رُقيه ! و رُقية هبله ما محتاجة منك مجهود!
__ ايوا كدا اسنديني مش تجي تقولي لي غيرانه !
** النصيحه البت سمحه كان زعلتي و لا رضيتي !
__ يمممة ويني سماحتها !
** ياها الحقيقه
__ يمة ما تغايظيني !
** ما بقولها كدي يا العوقه ، اسمها ما تغيزيني !
__ يعني دي الصح !
** ااي !
__ ما بعرفا ليك انا المهم عرفتي قصدي دا !
** محن ! طيري من قدامي شوفي ليك مصيبه تلمي بيها كشتك دي !
__ سمح طالعه لمنو كشتي دي !
** ( جدعتا بالسفنجه ) !
__ يمة ياخ
** النجما ! اسمعي !! عشان عارفاك غبيه لكن بوريك ! رقية قاعده براهااا ، يعني دي فرصتك !
__ و ديك وين !؟ و عرفتي كيف ؟
** عرفت كيف دي ما خصك ! اتلحلحي عشان اخووك يجيب ليك الكريمات الدايراهن !
__ طياااااااارررررة ....
عزووو !
** الغالي الغالي ياخ مشتاق ليك و مشتاق ليكم كلكم !
__ السودان نورررر و احنا كمان والله !
** منور بيكم ! كيف الاولاد ؟
__ كويسين الحمدلله ، اركب انت انا حخت الشنط
** قلبي ماكلني على امي ، بالله عليك هي كويسه ؟
__ كويسه حمدلله ، اسي حنمشي البيت و تشوفها !
** ربنا يطمن قلبك يارب !
طيب وقت هي كويسه مالها ما بترضى تتكلم معاي لمن اتصل بيها ؟
__ انت عارف امك يا عزو ما بتحب تظهر المرض و دا غير انك بعيد حتقعد تقلق بيك ساي و بعدين انا و اخواتك حولينها الحمدلله !
** الله يديها الصحة والعافيه يا رب !
__امين يارب يارب ! و اخواتك والله شايلنها شيل الحمدلله حتى ما سايبين لي مجال اسوي حاجة ، من لمن كانو مرقدنها في المستشفى لحد اسي !
** امنا عزيزة و غاليه على قلوبنا كلنا !
كيف المدام و الاولاد و الله مشتاق لي حمودي الغلبه !
— الحمدلله فرحانين شديد من قلت ليهم انا ماشي اجيب عمو عزو من المطار طايرين طير من الفرحه .
** الله يحفظهم يارب !
!!
يا خالتي .... وين سلوااان ؟؟
__ طشت من الدُغش !
طيب شكراً !
ياربي مشت وين البت دي !!
اصلوو ما حصل فاتت حته من غير ما تكلمني الليله دي اصلو ما عوايدها !
التصبر لي بس !
جانب مُدثر !
مروة : احم مدثر .. مدثثثثر ! زح من الباب ( و مسكتو من يدو ) !!
مدثر : انا شايف صح يا مروة ؟
** مالك يا مدثر مخلوووع ؟؟ هيي سلمو انا مادة ليكم يدي !
مدثر : ( مد يده و يده بترجف ) اهلاً بسس !!!
مروة : اهلاً و سهلاً اتفضلي خششي !!
** مخلوع ولا حاسي بي شنو يا مدثر ؟
ما متوقعني اصل ليك و اعرف بيتك و اشوفك انت و مرتك صح ؟؟؟
الدنيا دي ضيييقة ! ضيييقة شديدددددد!
يتبع .....
🏃🏾♀️....
جمعة طيبه عليكم 🌹 م تنسو سورة الكهف ♥️..
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
