حا انزل الحلقة التانية بليل متاخر بسبب ظروف
و نزلت دي اسي لان الساعه 8 م حا اكون موجودة .
" بقيت بقول بي صوت عالي " الخاتم الفي يدو !!!!! ياهو نفسو ال في يد الزول ال في الCD !!!!!! الرسايل !!
اذن الرسايل ..... منـ " بقيت بتمتم " م م مـ منو ؟؟؟؟؟ معقوووووول ؟؟؟؟؟؟؟؟؟؟؟
" جاني صوتو من محل م خليتو قاعد وراي ، قال لي " :
علي : ارجعي ما تترددي هه ، ما حا اسألك و لا زعلان منك على العملتيهو .. ما تفكري و تعالي ، حتقيفي مترددة كدا كتير ؟؟؟
" قبلها حسن كان دخل المحل من بعد ما شاف الخاتم لحد م رميتو في الزباله "
" اتلفت عليهو بي بطيئ في وشي كمية اسئلة متزاحمة ظاهرة في علامات استفهام و تعجب "
" رجعت عليهو بي تثاقل و كل تركيزي في حته وحدة بس ! الخاتم الفي يدو !!!.. وقاها كنت شايفاهو قام وقف مبتسم و منتظرني اقرب اكتر ..
لمن وصلتو بقيت موجهه نظرو في ملامح يدو ! و فكرة الجزء الاول من المقطع ال في الCD ابيض بي اسود .. م كنت قادرة اتوصل لي حاجة غير الخاتم ، و حتى بي سبب انه فيهو زي فص " فاروصه "
حمرا بقيت في حيرة اكبر ..
لمن لاحظ لي نظري الثابت في صباع يدو ، قام وفع يدو و عاين للخاتم !! و رجع عاين لي !!
قلت ليهو :
**الرسايل منك ؟
__ "ضحك و قعد " ! اقعدي اقعدي ، م محتاجة لي مقدمات او موضوع ، اقعدي و الدايراهو انا جاهز !!
** انا ما دايرة غير اجابة واحدة !
الرسايل اللي كانت بتوصلني دي منك انت ؟؟
__ ايوااا !
** " وفعت راسي عاينت ليهو " طيب تمام " طلعت ورقة عشوائيه من شنطتي و سحبت القلم الفي جيب قميصو جدعتو قدامو جمب الورقه في الطاوله " اكتب لي اي حاجة على الورقه دي !!!
__ انتي مجنونه ؟؟؟؟
** اكتب من فضلك يا استاذ علي !!!
__ اكتب شنو و بتقولي في شنو انتي ؟؟ انا جاريتك بس عشان عايز اشوف اخرك شنو !! " شال قلمو بيثبت فيهو في جيب قميصو "
** " خبطت يدي في الطاولة " و انا دايراك تكتب يا استاذ من فضلك ... " سكته مسافة و قلته ليهو بي صوت شبه واطي " دااا في حال انك مهتم تسمع ردي على طلبك مني !
أنت تقرأ
شارع ال60
Storie brevi#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...