#الشارع !
" نزلت من العربية ، و خاته يدي في باب بيتنا دايرة ادخل ، مع دفرتي للباب لقيتو فتح قبلي "
سلوان " رجعت لي ورا من الخلعه " : بسم الله ! سهام خلعتيني !
سهام : يا زوله اتي النقذتي بي ! حي يا الله قلبي دا يضرب ضرب .. " شايله رقيه "معليش ههه .ماشه بي رقيه وين " مسكت يدها بلاغي فيها " ؟؟
__ مرقته قُته اتمشى على الصيدليه ، عمتي قالت دايرة لي رقيه بامبر ولا الشي دا !
بامبرز هه مافي !!! غريبه مدثر م جاب معاهو !! طيب يلا بمشي معاكي على السريع بس وريني اول الساعه كم في تلفونك ؟
دابا حداشر ، امشي ساي معاي عليك الله ! إلااا صحي ، انا من ساعتي الجيتكم فيها المرة ديكي لي هسي بهاتي بي جيتي ليك ف المحل يا سلوان !
** خلاااص تعالي لي الليله مش بتعرفي الدرب ؟"وقتها كان اتحركنا على الصيدلية بس لسه في شارعنا بمسافه من بيتنا ، سمعت صوت "
سلواااان ....
" انا و سهام اتلفتنا على الصوت"
سلوان " بي استغراب بقيت واقفه في مكاني ما اتحركتا " !
سهام : دي مش ياها صحبتك ولا انا عيوني ديل كعبات !؟؟؟ مالها تنابح في نص الشارع كدي !
سلوان : ياهااا .. " وقتها كانت جايه علي "
سهام " غطت راس رُقيه بي طرف توبا " : الشمس سخنت ..سلوان : اقيفي في الضلة دي !
سهام : لالا بمش انا اتخارج ساي !
اريج : سلوان كيفك ؟ سهام ازيك ؟
سلوان : حمدلله ! نفسك قايم !!
اريج : ااي حاولته احصلكم !
سهام : نحمدالله .. امشي انا يا سلوان ؟
سلوان : لالا خليكي !
اريج : اي لو ممكن يا سهام عايزة اتكلم مع سلوان في موضوع !
سهام : سمح .. " دايرة تمش ، سلوان قبضتا من توبها "
سلوان : اقيفي يا سهام ، و ما حاسه ان في حاجة ممكن ما تتقال قدام سهام .. اتكلمي سااااي !" اريج بتعاين في سهام بعدم قبول "
اريج " زحت نظرها منهم " : الموضوع بخصوص مدثر !
سهام :انا بمش يا سلوى .." مشت قبل ارد ليها " !!سلوان : قلت ليك استني يا اريج " مُتلفته عليها و هي ماشة " .. طيب تمام يا اريج كملي كلامك !
اريج : كنت عايزاك تديني رقمو !
سلوان " بي استغراب " : رقمو !!!
ايوا ، حابه اتكلم معاهو في موضوع !!
سلوان : و انتي ما عندك رقمو يعني ؟
اجيب رقمو من وين ؟ انا قصدي رقموو الاسي شغال بيهو برا !
سلوان " بي استغراب " : اريج !! انا ما فاهمه و انتي جوطتيني معاكي ! هسي ما كان قدامك مالك ما اتكلمتي معاهو ولا شلتي رقمو ؟؟
" بي خلعه " قدامي وين ؟؟؟
سلوان : اسي وقت جيت اديتك البطاقه !
ما شفتو والله يا سلوان !!انا شفته حسام صحبو و واحد تاني ، استغربته من الموضوع بس ما شفته مدثر !! يعني مدثر اسي في السودان ؟؟؟؟
سلوان : غريبه !! اتوقع مواعيد الشغل قربت فا حابة ادخل اشرب لي شاي و اجهز .. اتفضلي !!لا انا حمشي على المحل بس .. ما رديتي لي !!
يعني مدثر اسي في السودان !!!
سلوان " بي استغراب " : بصراحه مستغربه فيكي ! بتسألي عنه ليه فجأة كدا لا و متلهفه عليهو كمان !! على العموم ايوا موجود في السودان !!
أنت تقرأ
شارع ال60
Storie brevi#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...