#قصتي ، خلتني اقتنع تماماً ان مافي مرتين حيقبلو يتشاركوا في راجل واحد !
ملوحظه :
ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !!
ملحوظة تانيه :
مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
الوووو 👋🏼 يا مزة انتي و هي رايكم في التصميم بسسسسرعه 🌚 معاكم سحر الفالحة 🌚
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#شارع_ال60 #88
سهام : بتكورك وبتصرخ عالي وجرت بره الحوش واااااي علينا الحقونا يا ناس !!!!
"فجأة" " طلع صوت اريج الكان عالي شديد و هي بتصرخ و بتعاين لي يد الماحي و رافع الحديده على مدثر و ننوية الجرت في نصهم و قابضه في مدثر " اريج بتقول : عمري ما حا انسى المنظر دا ! عمري ما حا انسى احساسي دا ، و صوت اريج الجواي الكان بقول لي : لحد متين يا اريج يا جبانة ؟؟
وقتها سلوان قالت الغضب عمى عيوني ! وقت كان نقاش بين الرجال م كان لي دور ، و اهلنا ما عودونا على ان البت ولا المرة بتخش في كلام الرجال ، لحد ما شفت طليق اريج رافع الحديده على مدثر اخوي ! حا اتوقع شنو من واحد بيضرب مرتو ؟ لااا والله كلو ولا مدثرر ! و م نسيت كلام اريج وقت سألتها من العصايه المتكيه جمب الكوريك على حيطة الحمام حقهم ( دي ابوي بختها جمبو بليل وقت الحرامية كانو مالين الحلة ) و مشيت اتناولت العصاية و م شايفه غير سواد قدامي ! بس م كنت عارفه ان #يد_اريج حتبقى لي حاجز !!
اريج : " خطفت العصاية من يد سلوان و انا بقول ليها " : دي مسألتي انا لحد هنا و كفايه !
النخيل : لا اله الا الله " عاصرة التوب في عيونها " سيدنا محمد رسول الله ! ولدي واحد ياهو راجلنا و ما عندو غيرو يشهد الله و ععارفاك م بتزح من قدامو كان رفع ليك سكين " بتتنهد "
ام اريج : يا الريح " رافعه كفوف يديها بتمنعو " ود الناس ما دخلو ! استهدا بالله و نزل الحديده دي من يدك !
الريح : " عينو في مدثر " هاهاها خايف مش ؟ يا حرااااااام !!
مدثر : اخاف لي من مرة اختي ارجل منها ! هاها خايف انت المتردد !!! الراجل ما بيتردد و انا واقف قدامك كان ما خلقة الله عيني دي ما بترمش ! اضرب اضرب امسك ليك يدك انزلها ليك فوق راسي ؟ اضرب عارف ليه عايزك تضربني ؟ عشان اقول ضربتني مرة ! عشان انحنا اهلنا في بلدنا ما ربونا على افعالك دي ! و سليط اللسان الزيك دا بنعلقو عبرة في الشجر حق الدخينات ! و ما يغرك البنطلون و المقيص دا ! لاااا ضراعنا داا " خبت خبتتين على ضراعو " شيال سككاين !
