صحيت من النوم زي الساعه 8:00pm بالمنبه ..
طلعت على الحوش ..لقيت مدثر قاعد في السرير ، و بيشرب الشاي بي يد و شايل رُقية بي يد !!
قلت ليهو :
** صباح الخير !
__ صباح النور ، مُبدرة الليله ! ( بيلاغي رقيه و يعز فيها ) قولي لي عمتو حبيبتك صباح النور يا عمتو سلوى ..
** اي عندي مشوار قبل الشغل ، مدثر كدا كيف يعني ! رقدها جمبك و اشرب بي راحتك ! ( بتلفت )
امي وين ؟
__ لا خليني شايلها كدا ، ما كفايه ما حا اشوفها اليوم كلو .. امي فاتت على الجيران ديل !
**متين لحقت تعمل اللقيمات دي ؟
__ دي ناولتني ليها اسي بت بدريه ! قالت لي اشرب بيها الشاي !
** بالله ... تشرب بيها الشاي عديل كدااا محن و حاة الله محححن غلبني الاقولوو !
__ يا بت مالك اسي ؟
** ما مالي الناس ديل متلصقين فينا لصيق كدا عجيب و م مرتاحه ليهم انا .. اوففف اخير ادخل حمامي !
__ مالك و مالهم علاقتهم بي امي ما بيكي ! و بعدين مشوارك دا لو في سكتي خلينا نمرق سوا ..
** لالا لسه م لبسته امشي انت !
__ طيب !
" بعد طلعت من الحمام " مدثر طلع بقيت عين مع رقية و يد بلبس بيها لمن امي جات ! خليت ليها رُقية و طلعته .. ركبت مواصلات من الرئيسيي ، منه و على السوق طوالي .. لفيت كتير في محلات الملابس كنت حاسه نفسي زهجته من لبس العبايات الكتير و كل الجيت بيهم من البلد تلاته !. اتحفظت بيهم عديل .. المهم اشتريت لي كم طقم و حاجات خفيفه .. و بعدها مشيت فتشته لي محل فضيات اللي كان سألت عليهو أريج قبل كدا بس وقتها كنت عايزة واحد في الستين زاتو .. المهم لقيت واحد ، و لقيت طلبي عنده جاهز " سلسة بي اسم رُقية " ..
لمن خلصته و بقيت راجعه لقيت ياداب الساعه 10:40 ! احترت انتظر لحد 12 قدام المحل و لا ارجع البيت .. بعد تردد قررت ارجع البيت ، فا لمن م لقيت امي ، عرفتها بتكون شالت رقية و مرقت اصلو م بتقعد ساي !!
اكلت لي سندوتش .. و بقيت قاعده ساي ! قلت ليه ما اللبس و اقشر من الحاجات الجبتهم بما اني قاعده ساي ، بس قمته انكربته و حسيت اني محتاجة لي تحسن نفسيه !
#جانب_ندى!
#مكالمة :
أنت تقرأ
شارع ال60
Storie brevi#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
