' تزكير : كل الاحداث السابقه حصلت قبل سنتين من الليله !'و كل فترة بتعدي اثناء الاحداث بتنقص من فترة السنتين !
سلوان بتحكي :
قبل فترة بسيطه شديد كنت محاربه مدثر اخوي فكرياً بسبب انه زعل امي شديد و خلا تأثير سلبي عليها كبير و فترة المشاكل و الحرب النفسيه العشناها ! وقتها كنت مقيده بالعادات و التقاليد و فكرة الناس في قريتنا و اقتناعهم بي ان دي عادات اتوارثناها من اجدادنا ، بغض النظر اذا كانت صح و لا غلط ..
لحد ما لقيت اني كل ما تعدي علي سنة زياده انا كنت بتغير و بعيش التغير دا ، فجاة لقيت نفسي الشخصيه الطايشه دي و ما بعمل غير الحاجةالبقول لي عليها راسي وقتها ، بسويها و ما بفكر في العوافب لي بعدين و دي الحاجة البتدخلني في مشاكل بي استمرار اني اندفاعيه و ما بين هذا و ذاك ربنا مغطي علي لمن كنت حاسه اني استثنائيه في حاجات كتيرة شديد !
الخلاني ابدأ كلامي دا ! اني ما عرفتكم على نفسي و بعدها استحضرت ان كل تفاصيلي انتو اقريباً عرفتوها !
المهم ارجع ليكم لي مدثر !
م حصل فكرت اني امشي اشوف اراضيهو دي في بداية موضوعو ! بس مع الوقت بديت افكر في المشكله وين ؟ شنو الجريمة اللي ارتكبها مدثر و شايلنها ليهو اكبر نقطه سوداء في حياته و في حياتنا ! وين المشكله لو مدثر اتزوج الانسانه البحبها ؟ وين الجريمة او وين القانون اللي بينص عن انه لا ممنوع ؟
انحنا ما مسؤلين عن عنصرية المجتمع حقنا دا ! لان العنصريه الحقيقه في عقول الناس ، ماف لا قران لا قانون بيمنع الزواج بين اتنين مختلفين ؟ ما كلنا بشر في النهايه ! معني كدا انحنا قاعدين نحاسب انسان ربنا خلقو عشان قام او نشأ في بيئة مختلفه عننا و دي م حاجة هو بيختارها !
لليله و لي بكرة و لي مليون سنة انا ضد العنصريه القبيله اللي عايشنها في حياتنا دي !
مجرد افكار ما ليها اي ستين لازمة فرق بين اخوي و اهلو ! و انا مستحيل اتخلا عن اخوي حتى لو لزم الامر اني اخلي القريه !
مدثر : شوفيها يا سلوان عشان تعبته معاها ! سلوااان !! ( اتلفت علي لقاني بلبس في عبايتي القلعتها من شويه ) !!
سلوان : عشان انت غلطان !!
مدثر : كيف يعني ؟
سلوان : يعني مفروض ما تسألها يا مدثر ، تسوقا طواالي ، و امشي جيب لي غيار و اي توب ليها ..( مشيت عليها و مسكتها ) قومي يا مروة ! قومي اقعدي لي !!
أنت تقرأ
شارع ال60
القصة القصيرة#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
