اختار منو فيهم ؟
" ضحكته بي حسي " هاهاي يا عزو تختار منو فيهو ؟
لا بتختار منو فيهم بي كل جديه " بقى يشلت في الباب بي رجلوو "
تختار منو فيهم بي كل بساطة يا عزو ! لعبه عندك هما ؟ انا متين بقيت عديم احساس للدرجة دي متين وصلته المرحلة دي ؟
مستحيل يا عزالدين الناس عمرها م كانو خيارات و زي م قالت لي سلوان كل انسان من حقو يعيش مبسوط ، و كل وحدة تستاهل السعاده !
عشان ادي كل وحدة فيهم سعادتها البتستحقها ، لازم ...لازززم .....
" م تميت كلامي و رجعت للعربيه و اتصلته "
" تيييت .. تيييت ...
الو يا مالك ؟
__ ( ...)
صوتك م واضح ، اتحرك في حتة فيها شبكة و لا ابعد من الدوشه دي ...
— مافي دوشه جمبي يا ...( الصوت قطع )
** اوفف فصل كلو كلو " بفتح درج العربيه عاين فيهو و قفلو راج و دخل على الواتساب "
#كتب_ليهو :
[بتطلعو متين] ؟؟؟
"رسالة من مالك"
ايوة يا عزو ايوة ايوة معليش ملخوم بس
خلاص طالعين بعد كدا تمام هسي ما فايق انجز وما تتأخر بس او برجع ليك اتصال.
" عزو بيكلم نفسو بعد قرا الرساله "
ياربي ! مالك دا بيتكلم عن شنو ؟ " عاين للساعه في يده و داس بنزين " يارب احصل !!
*بعد مكالمة عزو بي ساعه و 45 دقيقه *
كان في #المطار :
ندى : يا حليلهم " بتمسح في دموعها "
مالك : خلاص بطلي تتلفتي هم ما شايفنك بعد كدا ، اسي مش كنتي مبسوطة !
ندى : و لسه مبسوطه
مالك : جيبي جوازك " مد يده "
ندى : في الشنطة المعاك دي ، شلتو مني قبيل !
مالك : اي خليكي مركزة معاي لاني ملخوم !
ندى : " بتتلفت " السفر دا فيهو رهبة كدا غريبه مش ؟ و بعدين مش مفروض ياداب دي تكون مواعيد حضور المطار ؟ غايتو اول مرة مواعيد السودانين تزبط " بي نص ضحكة " !
مالك : دي فلاي دبي .. " شكراً " ارح ارح حنركب طوالي ، اسرعي ....
ندى : طيب طيب .. " شافت الطيارة " وااااي كبيرة ماشاءالله و مخيفه ااااحيا ، الله يستر !
مالك : ههه اطلعي السلم قدامي " hello للمضيفتين الواقفات على الدخله "
ندى : " بعد ركبت الطيارة " وااي ديل سودانيات ؟ سمحات كيف ماشاءالله ، ولا لون الشعر " قعدت في اقرب كرسين "
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
