{{ انا المسئول عن المهزلة دي ! }}ندى قالت :
بقيت بتكلم من جواي و بقول " الصوت .. الصوت .. النبرة الجهورة .. البحة الكانت بتعكس لي حنيتو اللي ما حسيتا منه و لا مرة !! الصوتت .. ياهو صوتوو " كنت حاسة ان صداها بيرجع لي في اضاني كل مرة !! لمن قررت اني اتلفت بي وراي تجاه الصوت و ما اخلي اللحظان دي تطول لعل و عسى اكذب احساسي .....#اتلفته عليهو ، و نظرتي وقتها ما اتغير مسارها ، زي الضوء بالضبط ، مُسلطة عليهو بي قوة فاقت طاقتي .. و لا في الخيال حتى ما خطر على بالي الشفتو بي عيوني !! صدمة ... صدمة ..... بقيت منططة عيوني بي قوة اكبر و اكتر و قوة العقدة البين حواجبي اتعقدت اكتر !
" احساس ان الصدمة كانت من الطرفين ، كأن الدنيا دي وقفت بينا انحنا الاتنين في اللحظة دي "
"ندى قالت م كانت لحظة مُشرفة بالنسبه لي عشان اتحملها تاخد وقت اكتر من كدااا ! استعدت ثباتي و فردت قامتي القصيرة مُقارنة بيهو ، و بي رفعة حاجب و تحدي ، قلت ليهو :ندى : و اظن كلامي وصلك يا .. مسؤل !! #اتخطيتو ومشيت قاطعه من جمبو !!!
" استوقفني صوتو و هو بيقول لي " :
__" في مكانه خاتي يدينو في جيوبو " قال : اتعلمي انك تسمعي الطرف التاني ! زي ما جدعتي كلامك انتظري ردو !
ندى : " قلت في سري انا متين كرهتك كدا يا عزالدين " قلت ليهو : قادر تتكلم يعني ؟؟
__ " اتلفت علي " : حا اتجاوز سؤالك و حا ارد على اللي جيت عشانه ! انا ما عارف شغلك شنو بالضبط يا استاذة ، عشان تنفيذنا على موقعك ما يعجب حضرتك ، بس البعرفو و متأكد منه انه شغلنا دا ما لعبة ، تتفقي و تلغي على كيفك !!
ندى : هه " ختت يدها في خشمها و قبلت وشها ، و رجعت عاينت ليهو تفادياً لي اي كلام شين ممكن يطلع منها و ممكن يفهمو ضغينه تجاهو ، بي هدوء مصحوب بي ابتسامة ، قالت ليهو "
اذن لمن تعرف شغلي شنو بالضبططط يا مسؤل ، وقتها حتعرف ان مستوى شغلكم دا " بتأشر على المكان " فعلاً لعبة و انه ما بيتماشى مع شغلي ..
فاا لحد ما يجي الوقت داك و تعرف طبيعة شغلي وقتها تقدرو تتواصلو مع زوبا و تلغو الاتفاق دا ! لاني ما حا اقبل موقع زي دا يبقى واجهة لي !#معاذ " متداخل رد ليها بي عصبيه "
مافي حاجة حتتلغي يا استاذة ، زي ما انتي ما بتقبلي الخسارة على نفسك يبقى ما تقبليها على غيرك ! انتظري الشغل ينتهي بعدين احكمي ! و لو زي ما بتقولي ان دا ما اول تعامل ليكي في المعاملات دي ، اذن مفروض تكوني عارفه حجم الخسائر الحنتعرض ليها بي سببك !!!عزالدين : معاذ .. " رافع ليهو يده كا تنبيه للسكوت"
مافي اتفاق حيتلغي ! و نفس التصميم الانتب مرسلاهو انحنا اشتغلناهو !ندى : اتوقع كلامكم انتهى ! و جا دوري في الرد !
ال 60% الدفعناها انا م دايراها عفيتا ليكم ، عالجو بيها الخسائر حقتكم مع اني ما عارفه حتعالجو شنو و لا شنو الله يكون في عونكم !! بااي
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...