شارع ال60

36

 **الطيب انت جاااادي 

"بزعل وما مصدق"

—يعني ياعزو دي حاجة يهظرو فيها والله العظيم رجع ولا كلمني انا زاتي..

ونفس الشي زعلان شديد من مالك لانو ما جا في بالي يعمل عملتو الشينة دي!!!

ياخ انا كنت بتكلم معاه واتفق معاي نعزمكم انت والمدام

وهسي اتفاجأ من معاذ بتكلم معاي واتسب ان مالك جا؟!!!

البزعل منو عليك الله؟!!

**والله دي حاجة غريبة طيب واختو زاتا ما عارفة والغريبة امس بتقول لي مالك دا قافل رقمو مالو عليك الله اغشاه شوفو ..

—خليه بعد ترجع معاي نسويها ليه مفاجأة 

**انا زاتي قلت كدا بالمرة اعرف اصالحو كويس لانو زعلو بقي مبالغ فيه..

—والله يا عزو انا شاكي ان مالك ما براه

*"بضحكة " كيف يعني ما براه مالو اشد مننا بس هو بدلع وانا عارف عرس ندي ماكل معاه جمبة يازول دي اختو الوحيدة والصغيرة اظن حسه بالغيرة ما اكتر..

—"الطيب بضحك"

يكون بالغ والله العظيم خلينا بعد نمش نشغلها ليه اصبر لي عليه والله اكرهو حياتو..

"تلفون عزالدين ضرب عاين ليه وصمتو"

"وقف علي حيلو"

**هي انا ماش بعد كدا ما لحقنا زاتنا اتكلمنا كويس في موضوع ابوعمر

—اها اها علي منو ما تتعزر عافي ليك لله والرسول قوم امش لي مرتك وعقبال المطلوق دا يتلما زاتو..

*"بضحك" ياخ امييين لكن بيني وبينك اللمة والاهتمام سمح

يلا حا تقوم ولا قاعد..؟!!

—قاعد يا زول شوية وبمش تاني

—جانب سلوان—

*احيي يا اريج اخيرا انتهيت يلا انا ماشة ما حا اقيف معاك لانو شايفة حسن مراقبنا نحن بالذات يلا اشوفك..

"دخلته بدلت هدومي وشلت حاجاتي وطلعته وكلها شوية زمن ووصلت البيت لقيت الباب فاتح"