كل سنة وانتو طيبين وكل الاماني الحلوة محققة يارب💛
يلا تفاعلكم الحلو🍂🌼
#زنوبيا
"قبل الاحداث الفاتت بـ ساعتين"
" علي جانب فيه نجيلة صناعية وسلم صغير عليه اصايص ورود ملونة ،،
كراسي انيقة بالاصفر والابيض عليهم مساند رقيقة وتربيزة متوسطاهم دائرية عليها اصيصة ورد صناعي جميل وعلبة مربعة صغيرة عليها مناديل "
وليد بتكلم:
*خلينا نقعد هنا شوية يا حسن بخصوص الموضوع البديناه ...
—انا ما عارفك انت مصر تتكلم فيه مع انو باب واتقفل في دقايقها يا وليد وقلت ليك انا ما عندي شي معاها بس يا زول ما بستلطفا ياخ عديل كدا بالواضح والصريح ما بتنزل لي من هنا "اشر علي حلقو" عاملة فيها هي الفاهمة والناصحة والقوية وبتاع مستفزة يا وليد مستفزززة بالمعني..
"وليد بضحك"
*امرك عجيب يا صاحبي طيب حلل وسط اعمل روحك ما شايفا سلو...
"قاطعو"
—وليد ما تجيب لي سيرة اسمها
* شايف!!
يعني بقت تصرفاتك ظاهرة وما لي انا براي ال يادوب جيت انتبهت للحتة دي فما بالك ب زمايلها في المحل مركزين للحتة دي وشايفهم بوسوسو وعينهم عليك ..
علي العموم دا ما في صالحك ياخ فكها شوية..
ما صاح منك وانت مؤسس المحل وقديم عشان ما يختو انك غيران منها مثلا؟!!
"حسن بضحكة شبه مستهترة"
—وليد انت بتقول في شنو انا اغير من البت دي؟!! منو تبقي هي اصلا ؟!!
انت عارف انا الشغلتها !!!
بس حاليا هسي حسيت اني استعجلت بتوظيفها ولو بيدي كنت مشيتها لولا ابوك..
عليك الله يا وليد خليك في الشي الجيت فيه وما تدخل في حاجة ما بتخصك الا اذا انت معجب بيها برضو؟!!!
*"بعدم رضا"
دا كلام ما مقبول منك يا حسن ؟!!
"حسن في حالة سرحان وشبه وشو غاضب"
*حسن حسن انت معاي؟!؟؟
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
