👒الحلقات بتنزل يوم بعد يوم .
👒بكرة حلقات مافي .
👒بكرة حلقات مافي !
👒بكرة حلقات مافي لانها بتنزل يوم بعد يوم ،
👒بكرة حلقات مافي لاني بكتب لسه براي
فا بالتالي بكرة حلقات مافي
👒و الحلقات بتنزل يوم بعد يوم .
الساعه 9:44Pm
مالك : دا البيت ! انزل انزل ..
مدثر " فتح الباب و نزل عشان يبدل المقعد "
يا مالك ، اسمعني بكرة ان شاءالله مجرد م ارجع من البلد عايز نمشي لي ناس الحادث ديل نعزيهم !
مالك : كدي تعال خش نكمل جوا ، و بعدين انا اصلاً ناوي والله يا مدثر و من انت جيت انا مفكر في الموضوع دا ! بس كنت عايز الوضع يهدأ شويه !
" باب البيت فتح "
ندى " ماسكة الباب و مادة راسها " : مالك !؟ انت جيت ؟؟
مدثر " تلقائياً عاين جهة الصوت لان اصلاً وشو كان على الباب عكس مالك "
مالك " اتلفت وراهو " : ايوا يا ندى !
ندى " لمن شافت معاهو زول قالت " : السلام عليكم " بي رفعة يد بسيطه ، و هي بتتاكي الباب " فضلو جوا يا مالك البرنده فاضيه !
مالك : اي داخلين !
مدثر : لالا انا بمشي عشان الزمان لسه مشواري طويل !
مالك : عاين خش الحمام روق شويه اكل ليك لقمة انا زاتي ما اتعشيت الله و داير اليتقلني في الاكل ! تعال تعال " مسكو جراهو من يدو "
مدثر : دايماً عامرين لكن والله مافي زمن انت عارف #قاطعم_صوت !
خالة مالك " ماسكة الباب " : اجي !
مالك دا كلام شنو يا ولدي ! ندى كلمتني و لي هس في الشارع ، تعال ياولدي ! تعالو تعالو " زحت من الباب "
مدثر : ما بقدر اكسر كلام الوالده !
مالك : ههه دي خالتي ياها امي برضو ، الوالدة رحمة الله عليها !
مدثر " متأثر " : رحمة الله ما تفارقا يارب !
" دخلو البيت "
مالك : اتفضل ..
مدثر " مدنقر راسو وداخل .. اححم اححم "
" دخلو البرندة محل بيقعدو "
مالك : " دخل على جوا ، اتكلم مع خالتو و ندى و جا مارق شايل حاجات في يدو " : مدثر ، قوم تعال بي جاي الحمام ، هاك امسك ديل " مد ليهو " ، دي " على الله " غايتو دي قصيرة فيني ، بي فرق الطول البينا دا ما بعرفا بتجي قدرك ولا كيف لكن اظن بتزبط ههههههه !
مدثر : انت الطويل يا اخوي ههه والله ما كان ليهو لزوم اصلا بمشي البلد بزبط اموري !
مالك : كدي قوم بطل عربي !!
مدثر: طيب !
" مالك قدمو لحد الحمام "
" مدىجات بي طراطيف اصابعيها بتأشر لي مالك انه فات " ؟؟
مالك : دخل الحمام !
ندى " عدلت طرحة الاسدال " : طيب عشان قهدت خالتي دي مواعيد نوما ، حخت العشا سرعه قبال يطلع !
مالك : حساعدك عشان الزول دا مستعجل !
ندى : تعال ...
" دخلو المطبخ ".
ندى : احكي لي ! اخا بقت كيف ؟
مالك : افت كم عيشه ؟
ندى : تلاته عيشات عشان في رز ، ولا اقول ليك كدي بعد تفتهم !
مالك " واقف قدام الرخامة حقت المطبخ و بيقطع العيش في الصحن " : كويسه حمدلله !
ندى : مالك ! عايزة اقول كلام و خايفاك تزعل مني !
مالك : ما بقت في حاجة تزعلني او بمعنى اصح القترة دي بطلت احس بي اي حاجة !
ندى : ليه بتقول كدا !
مالك : الدنيا باقيه لي مسيخه ما داير حاجة فير انها تقوم لي بخير ! ما فضل لي الا بكي والله يا ندى و اعصابي بايظه شديد !
ندى : للدرجة دي يا مالك ؟
مالك : حتى الدرجة الفي خيالك دي ، انا واصل مرحلة ابعد منها ! .. الشوربه دي فارت كبي سرعه ، عايني في شطة مطبوخه من باقي امبارح ؟
ندى : في اي !! " بعد تردد "
بالنسبه لي شغلك !! الاجازة و الوضع الحاصل دا !
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
