ان وجدت اخطاء املائي اعذروني ، يشهد الله محمومة و بكتب ..
لمن اشوفك متضايقه و اتضايق و احس بالعجز لاني ما قادر اخفف عليكي ضيقك ، و لمن بتبكي قلبي بوجعني ، و لمن بشوف ضحكتك بحس بي قلبي بيدق شديد ، و لمن اشوفك فرحانه بحس بالدنيا دي كأنها بتضحك لي ..
و لمن ما اكون شايفاك بحس نفسي مشتاق ليكي شديد و بكون عايز اشوفك في نفس اللحظه !
هل دا معناه الحب ؟
معناهو اني " بحبك يا سلوان " ؟
"تلقائياً ختيت الوردة من يدي و وقفته على حيلي و صغرت عيوني بحاول استوعب كلامو ، اتحركته من جمبه و ختيت يدي في راسي و رجعته ليهو ، قلت ليهو " :
** ما فهمته !
عزو " بي ابتسامة و دنقر راسو " : ما تركزي !
** لالا بجد ، لاني فعلاً ما فهمته ! دا سؤال و لا كلام بتوريني ليهو ولا شنو بالضبط ؟
عزو " بينه و بين نفسه " : ( ردت فعلها و تحولها لي شخصيه جاده حسسني بي حجم الكلام القلتو انه م كان مفروض اقولو ، لي لحظة خفته اخسرها ، فا كان لازم احاول اصلح الموقف ، فا قلت ليها ) :
انتي مالك اتوترتي كدا ؟ خفته تفهمي كلامي غلط و في نفس الوقت حاسي اني ما حقدر اشرحو بس ححاول اشرحو ليكي ، كل الموضوع انا ما بتحمل اشوف زول متضايق و انا مافي حاجة بي يدي اسويها ، و خصوصاً انتي لأنك بقيتي صحبتي و اكيد ما حتحمل فيكي حاجة ، و ما بتمنى اشوف دموعك دي تاني ، و بالنسبه لي اخر الجملة ، حسب فهمي ان الحب دا حاجة عاديه و بيجي بعد الاستلطاف و القصد منه التوافق بس ما اكتر و اصلاً انا ما حصل حبيت و لا زول حب ههههه تتخيلي حاجة زي دي ؟
** " حسيت نفسي غبيه وقتها بسبب ردة فعلي ، انا كيف فهمته غلط يا الله منظري شين شديد قدامه اسي يقول علي شنو ! اكيد حس بي " قلت ليهو :
اتوترته كيف يعني ؟ عادي بالمناسبه هههه بس ما بحب اكون ما فاهمه او يتقال لي كلام و ما افهمو .. المهم يا صحبي اللطيف ! الزمن فاااات و مرهقه نفسياً و جسدياً ، و حرفياً العملتوه لي في يوم ميلادي انت و اريج دا شال من علي كتير بالجد ، فا شكراً ليك " بي ابتسامة "!!
عزو : "م كنت متمني انها توقف كلام و هي بتأشر بي يديها وتوصف و تحرك عيىونها و هي بتتكلم " : اممم مافي شكر بينا و الهدف " الابتسامة دي ، بيأشر على شفايفي " : ! يلا مشينا اذن ...
** " بتلفت " اريج دي غتست جوا كدا بتعمل في شنو ، يا ارررررريج .. ارييييج .. دقيقه يا عزو حا امشي اشوفها !
عزو : طيب طيب ..
مشيت على جواا ، مكان بنغير ملابسنا .. و انا بنادي عليها ، معقول ما سامعه كل دا ، بتعمل في شنو اصلو .. وصلتها لقيته واقفه اخر الغرفه في نهاية الممر لي جوا .. فا قلت ليها : اررريج ! ما سامعاني انتي ؟؟
اريج " بي ردة فعل ، نزلت التلفون من اضانها بسرعه " : م انتبهته والله ، ااا اهااا عزو مشى ؟؟؟
أنت تقرأ
شارع ال60
Cerita Pendek#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
