#شارع_الستين :
مدثر : ما قدمتي على اجازة ؟؟
** ما قدمته لانه بصراحه عندنا مشكله في المحل و لي كم يوم عايزة اتكلم معاك و ما لاقيه طريقه !
مدثر : يا ساتر ! بس الاجازة البتكلم عنها كلها يومين انا ما داير اعمل جوطة ! الغدا بس و نسافر !
** فهمتك !
مدثر : المشكله الحاصله شنو عندكم ؟
** حتزعلك مني لكن !
مدثر : همممم قدمتي مقترح ؟
** لا ! مشيت على عقد شراكة تبع الفرح التاني كان مقدم من استاذ علي ! و استاذ علي اتسحب و اخلا شراكتو معانا و اصبح المحل مدين بي اسمي انا !
مدثر : " وقف من الخلعه " :
و تمضي انتي لي شنو ؟؟
** ( ...) حكيت ليهو الحصل كلو. !
مدثر : الكلب ! قاصدك مش ؟
** انساهو ! المهم اتوفقنا في تمديدالمهلة و دقينا اعلان سلفاً بالنسبه للشراكة !
مدثر : دي مصيبه شنو !
** بتتحل ما تشيل هم "وقتها كان وصلنا البيت "
خشش !
مدثر : اخش وين ! انا رحلته منكم عشان ياخدو راحتهم و يجهزوزها زي م دايرين ! بدل نأجر ليهم هم برا ، فا احسن اطلع انا ! المهم انا حا اقعد مع محجوب بس افضى كدا و نشوف البحصل شنو !
** طيب معاك زول ؟
مدثر : معاي حسام ! و عارف حتقولي شنو بس كل شي موجود اتطمني و كلها شارع !
** حمدلله طيب !!
مدثر : ادخلي يلا !
** طيب تصبح على خير !!!
دخلت البيت ! قعدت مع امي شويه و شربت معاهم الشاي و كانت عندي رغبه كبيرة اني ارجع اقرا الرسايل ..
فا سبحان الله ، لقيت سهام داخله لي بي لابتوب في يدها وقفلت الباب وراها !!
سلوان : حق مدثر دا ؟
__ " جات طلعت جمبي في السرير " ! ااي كلمتو اتطمني !
سلوان : شكلو حلو !
__ خلي شكلو ! جيبي السي دي دايرة اشوفو !
سلوان : فجاة كدا ؟
__ مش اخير اشوفو من اقوليك اقرا الرسايل ؟
سلوان : طيب " قمت جبته الصندوق الخاته فيهو الرسايل كلها " .. طلعتو و قعدت حتتي !
__شغليهو ! مالك نعسانه انتي ولا شنو ؟
سلوان : اي والله و عندنا لخبطه في الشغل فا الله يلطف !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
