سلوان بتقول :
بعد دخلتا البيت انا و اسماء .. م كان في في البيت غير عمتي التايه و عاشه اخت رقيه و امها ، و اكيد اسماء .. و احمد كان قاعد بهناك في بيت الرجال و معاهو شريكو في المطعم و زول تالت ...
شلت رقية ، حميتا و غيرت ليها ، و نميتها جمبي و بقيت راقدة جمبها ..
امي نادتني ، رميت ليهم قراصه .. اكلت معاهم شويه و رجعت الاوضه .. و قفلت الباب وراي .. جبت صندوق الرسايل حقت مالك كلها .. و قعدت افتح رساله رساله .. و اقراها من اول و جديد ... كل مرة كنت بقراهم و انا بحاول اتخيل الشخصيه اللي بتكتب لي !!
لكن الليله الاحساس غير ! الليله انا بكتب و شايفه ملامحو الحنينه ورا كل سطر و سامعه نبرة صوتو الجهورة ورا كل كلمة و كل حرف !
دايماً لمن كنت بفكر في الموضوع ! كنت بقول يارب ، انا اسي قلبي اتعلق بالانسان دا بغض النظر عن هو منو ! طيب لمن يجي يوم و اعرفو .. هل حا اتقبلو ؟؟
يمكن كان بالنسبه لي انسان انا ما بقبلو !! حعمل شنو ؟؟ بس من وقت ما عرفت ان الرسايل ما من عزالدين ارتحت ! و فكرة اياً كان يكون هو منو ما كانت فارقه معاي ابداً !!!
شلت قلم .. و كتبت في ضهر اخر ورقه جاتني منو !
الليله الموافق 21/5 انا سلوان احمد !
اتصالحت مع السعاده ! و كان ما لقيتا قدامي انا حا افتش ليها !! من الليله ما حا اخلي مجال
لـ { ليه ؟ و كيف ؟ و يمكن ؟ }
عايزة افرح بي كل حاجة ربنا كتبها لي و اداني ليها ! انا من حقي افرح ...
" ختيت القلم من يديو طبقت الورقه ، و بقيت بطبطب على ضهر رُقية "
و لقيت نفسي بهمس بي اسمو ! " مالك .. مالك ..مالك .. مالك " ... يا الله !!
#جانب_مالك !
" قعدت جمب ندى "
مالك : ما حتزعلي مني لو قلت ليكي اديني شوية وقت تاني ! صح ؟؟
عارف نفسي وعدتك و قلت ليكي بعد ارجع ححكي ليكي عنها كل حاجة ! عارف كدا ! بس اسي في شويه جوطة كدا بس تترتب و حا اخليكم تتلاقو عديل !رايك شنو ؟؟
ندى : البزعلني شنو يا مالك ! انا دايرة شنو فير راحتك ؟؟ مدايرة حاجة والله و ما قصدت اني عايزة اشوفها عشان عندي راي فيها لا سمح الله و فهمي الاول داك ! لا والله م كدا بس حبيبة اخوي و زي م تقول محتاجة رفقه و محتاجة اخت !!
عشان كدا استعجل في موضوعك معاها و جيبا لي ترافقني !!
مالك : " ضماها "
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
