السلام عليكم يا من في القلب مسكنكم ♥️
بسم الله الرحمن الرحيم ..
#شارع_ال60 #148
{ الاحداث فيها نسب زمنية مُتفاوتة }
سلوان : اتأخرته يا عم محجوب !!!
" فضلت فاتحه خشمي من الصدمة و فكيت يدي من الكرسي بي تُقل شديد ! رمشته و غمضت و فتحت يمكن انا شايفه غلط .. بس لااااا انا شايفه صح .. و صح جداً كمان ...
قبلت وشي من اتجاهو ، بعاين في الطاولة !!
بقيت سامعه صوت خطوات جزمتو " تكك تكك " وكأن كل خطوة منه كان ليها صدى بيتردد في اضاني ، و كل ما ليهو الصوت ماشي يقرب مني !! م كنت قادرة استوعب الحاصل و كأني في حرب نفسيه بيني و بين نفسي !!
لي لحظة قلت في نفسي انا ياتو يوم كنت كداا ؟؟ ياتو يوم و انا بتفادى المواجهه !
حتى زنوبيا من يوم بقيت جليسة كرسي و انا بتفاداهو و بتفتدى الناس ! ياتو يوم انا ضعيفه !؟
لا انا لا كنت و لا حأكون ضعيفه !
و اتلفت عليهو وقتها هو كان واقف شمالي بالضبط و جمبي بالضبطط !!
#فلاش_باك
" ليلة امبارح "
#مكالمة ..
مالك .." يارب يرد يارب يرد يارب ... " : ايوا ايوا الوووو
__ ايوا السلام عليكم يا مالك يا ولدي كيفك ؟
مالك : الحمدلله انا بخير يا عم محجوب كيفكم انتو ؟؟
__ الحمدلله بخير ، كنت بصلي العشا والله الليله صليتو في البيت و سامع صوت التلفون لكن ما كنت قادر ارد عليك !
مالك : ربنا يتقبل يا عم محجوب ولا يهمك !
__ اللهم امين يارب !
مالك : كنت دايرك في خدمة بسيطه يا عم محجوب و عشمان فيك والله !
__ انت العملتو معانا ما شويه يا مالك اديك عيوني !
مالك : تسلم انت و تسلم عيونك ! طيب يا عم محجوب ! كنت محتاج لي انك تلمني بي سلوان ! محتاج اتكلم معاها و الحاجة دي مافي زول حيساعدني فيها غيرك !
__ يا مالك انت عارف يعني شنو سلوان بالنسبه لي ، ما بقدر اضايقا و لا اسبب ليها ازعاج اعفيني انا من الموضوع دا الله يرضى عليك !
مالك : ما حا اسبب ليها ضيق يعني معقول ازعل سلوان يا عم محجوب ؟ و بعدين انت قايل شنو انا ما داير حاجة غير انك تحاول تجيبا زنوبيا !!
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
