السلام عليكم 🌸 ..
مدثر :
" اتلفت عليهو بي نص ابتسامة "
انت مجنون !؟
مالك :
كان مجنون يبقى بيها !!
" مدثر رجع عليهو ، قرب منو شديد قال ليهو بي صون واطي "
مدثر : انت بتتكلم عن اختي انا ! " سكت حبه اخد تنهيده " عاين اختي دي انا الشلتها يوم اتولدت و كبرت ليها في اضانا و انا كنت ياداب بتعلم الكلام لاني كنت متأخر في النطق ، انت بتتكلم عن اختي الوقفت معاي في اكتر ايام انا كنت محتاج ليها و كنت براي و فاقد معنى كلمة اهل ، يا مالك انت بي طلبك دا حتحسسني بي اني ظلمتها في حال رفضت طلبك و حرمتها من وقفتك جمبها في اشد وقت هي محتاجة لينا كلنا فيهو !
ما انا ما عارف هي عندها ليك شنو !
انا ياداب عرفتك من ايام !! و حتى م حسيت ان هي عندها ميول لي زول !
اوافق ليك كيف و انا ما عارف هي رأيها شنو ؟؟
" سكت مسافه و هو بيعاين في مالك "
عيونك رقرقو ليه ؟؟
مالك " دعك بي كف يدو عيونو "
شوف ! انا لي لحظه حسيت اني اناني بي طلبي دا ! و كأني داير اضمن حاجة انا بتمناها و دايرا تبقى حقتي ! حسيت اني بستغل الوضع الحاصل دا ! ما عارف انا كدا زول كويس و لاكعب !
طيب عاين ! انت قلت انك حبيت بدل المرة اتنين و يعني الله لا عيشك احساس ان يكون قلبك متعلق بي زول و انت هنا لا قادر تشوفو لا قادر تطمن عليهو !
والله حارة !
مدثر : جربتو !
منو قاليك ما جربتو ؟؟ انا جربتو و فوق لي كدا
فقدتها ... و رغم ذلك انا ما حا ارضى بالغلط !!
مستحيل اعقد ليك عليها و انا ما سمعت موافقتا بي اضاني ! مستحيل تفضل داخل مارق عليها كدا ما صح يا مالك !!!
مالك :
عارف اقسم بالله ما فايته علي بس يا مدثر ... ااااااه اااااااااه .. يا رب تلطف بي حالي !
مدثر :
" طبطب عليهو من كتفو و مشى على سهام "
" وقتها سهام كانت واقفه مترقبه الوضع من بعيد و ما فاهمه و ما سامعه حاجة ، لمن مدثر جا عليها "
سهام " بي لهفه " : عافيه !؟
مدثر "هز راسو بي ايوة " : اقعدي !
سهام" قعدت و هي بتعاين ليهو "
مدثر : ححاول اوصلك بي عربية حسام البلد باقي اليوم دا تمشي لي عمتك و امي !
سهام : دا كلام شنو! مدثر هااه ! مشي انا ما بمش البلد ، اكان تزعل و لا ترضى و اول مرة انوي اكسر ليك كلمة ! ابوك و مات مشيتي دي لا بترجعو لا شي ! اكان انتو ناس البكا و انا في نصكم البوديني البلد شنو ؟؟
اكان لي عمتي ياها بتجي بعد تعرف موضوع الحادث
و بعدين انت نسيت !
نسيت حروم البلد و كلامهن الشين ! عازف يعني شنو عروس ترجع في رابعه عرسا ! ديل لا بفهمو ليك وفاة ولا بفهمو ليك حادث ، و مخهن دا دربو واحد !
مدثر " بعاين ليها " :
اكلتيني اكل بي كلامك ! صريتي فيني و هجتي فيني قدر دا !
سهام :
هي لكن ما صحي يا مدثر نمشي للميت و لا نقيف في الحي ؟؟؟
و بعدين سلوان محتاجة اليقيف يخدما و يساعدا انا شغل الممرضات دا ما بضمنو !
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
