شارع ال60

٨١

#مكالمة
تسنيم : الو يا عزالدين انت وين
اها كويس انا جاية عليك ما تطلع

"شوية وكانت قدام بيت عزو لقت الباب فاتح وخشت "

وقفت قدامو الباب دا فاتح مالو؟؟؟

*خليتو ليك فاتح انا

تسنيم :قوم عشان تمشي عند مرتك تسوقها وتجيبا بيتها

* تسنيم عليك الله انا ما ناقص كترت كلام في الموضوع دا ، وهي لو دايرة تجي البيت تجي انا ما طردتها ، ما كل شوية امشي احنسها واجيبها من بيت خالتها

—من عمايلك انت ما فاضي "لكزتو من راسو" عقلك دا داير تهيئة من اول وجديد "بتضحك"

*تسنيم بطلي هظار انا جد ما رايق ومتضايق

—طيب قوم عشان خاطري اخر مرة قوم صالح مرتك وجيبها بيتا واقعدو برواق كدا واتكلمو براحة ، وانسى البت الفي راسك دي انساها يا عزو ودوس علي قلبك دا وارجل شوية انت ماصغير ياعزو.

*كان ما انتي اختي كنت استغربته بس مشكلتك اختي والكلام دا بطلع منك يا تسنيم ، انا حاليا حاسي اني غرقان بتمسك بقشة فا ما تذوديها علي ارجوك .

—عزو انا اتكلمت مع ندى وموقفك ضعيف جدا ، حاولت قدرتي اصلح البينكم وعلي فكرة مرتك عارفة !!!

قاطعها ووقف علي حيلو بإنفعال

*عارفة شنو؟! انتي كلمتيها؟!وانتي كيف اصلا تفتحي معاها موضوع بخصني بدون تكلميني ، انتي هسي بذات نفسك قلتي لي انت ما صغير يا عز ، معني كلامك دا شنو؟! اني ما مسؤول اصلا واديتي الاحقية لروحك تقرري عني قرار مصيري زي دا

"مستغربة فيه بتعاين ليه"

—عزو!!! انت ممكن تتخيل ان اختك تحكي عنك حاجة بتخصك ما عشت يا اخوي لو بسوي فيك كدا ، ودا ما المهم وهي عرفت كيف انا ما عارفة قالت لي عزو بعرف واحدة تانية مش امكن شافتك معاها؟!!
ودي منو هي زاتا؟!!

هففف اخد نفس وقعد تاني اتزكر لما نسى تلفونو وجا راجع ليه وكل التفاصيل في اللحظة ديك خته يديه في راسو حاسي بصداع"

*تسنيم انا قررت خلاص ندى طالبة الطلاق

#قاطعتو بإنفعال

—لااا انت عقلك دا بقى ما تمام انا اشيل واهدي فيها وانت في نفس الوقت قاعد متحسر علي عواليق حا تخرب بيتك  حب شنو وكلام فاضي شنو "لكزتو من راسو" لو كانت امي عايشة كانت ما حا تسكت ليك وحا تديك كلام يحميك القعاد بالطريقة دي ، الشي الما بترضاه لينا يا عزو ما ترضاه علي بت الناس ندى بتحبك حتي لو عاندت وعملت روحها قوية نحن نسوان وبنفهم بعضنا كويس من نظرة عيون بس . قوم اتنفض وغسل وشك دا ما انا اخوي الراجل البتكسر وبتعولق كدا عشان حب بت . "بنهرة " قوم يا عزالدين .
خلي انت متزوج والحب العندك وجواك دا مفروض يكون لمرتك لمرتك وبس لا تفتش لي بره لا تبرر ليه.