**صريخخ**
فكني ... فكني انت بتسوي في شنوووو !!!
واااي يا امي .. فكني عليك الله فكني الله يرضى عليك فكني .. انت منو !!
" دخل بيها من الزقاق لي بيت خرابه قديم ، بجرجر فيها .. و مجرد ما دخل قال بي حسو لي زول "
__ الفار في المصيدة !
فار راسو خفيف ما اخد معاي زمن هههه !!! " رزعا في كرسي خشب في حوش قديم ، و خت يدينو في نصو و مبتسم " مافي داعي للربيط مش !! خليكي رايقه و هاديه عشان اي حركة مقاومة منك حتأذي نفسك !!!
اريج : انت منو ؟؟؟
__ ما انا ! انا زول مسككككين ! مجرد ستارة ساي ! لكن ممكن تسألي الورا الستارة منو !!
" في دخله تانيه للبيت كلها خشب واقع ! جاتا طالعه منو .... "
** ماااما ... ماما **
اريج " بي استغراب " : ننويه !!؟؟
" جا صوت طالع من الحته الجات منها ننوية طالعه قال ليها " : اااي ننويه و ابو ننويه !! مفاجأة مش ؟؟
__ انا دوري خلص اظن !!
الريح " طليق اريج " : وين يا زميل ! لسه ! م داير ضريبة الصيد !
__ " رفع ليهو حاجب " :
انت كداااا حتخليني اسوي عزومة !!
الريح : سوي التسويهو اصلها ما نافعه ! المهم يا ست البنات .. دي ننويه المسكتيني ليها ولا هو بمعنى اصح رميتيها لي !!!
ننويه !!! تمشي معاي و لا عايزة تقعدي مع ماما ؟؟؟
ننويه : معاك !
اريج " بي خلعه " : تمشي معاك وين ؟؟؟
دي بتي انا ! ننويه جنيتي انتي ؟؟ من متين بتحبي ابوك !!
الريح : عشان تكسب محبة شافع ما صعبه !!!
المهم ! انا ماشي و سايق ننويه معاي ! و تعرفي حاجة ! الدايرة تسويهو برا برا #سكت
عايني !! لا جايبك لي ضرب لا جايبك لي تحديات !
جايبك عشان اكسر عينك و تبطلي وكوب عربات و حوامه مع الرجال !!
انا سايق بتي و ماشي و هم احرار كان دايرين يفكوك يفكوكي كان دايراين يخلوكي يخلوكي !! باااي !!
" مسك يد ننويه و فات "
اريج : لا لا يا الريح ! عاين ما تخت البت في نص مشاكلنا ! رجع لي ننويه يا الريح رد علي " دايرة تجري تحصلهم ! لقت يد قبضتا قووووي "
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
