مالك قال :
م عارف ليه م كنت متطمن ولا مرتاح !!
عاينت ليهو وقلت ليه : انت كويس ؟؟
مدثر :
لا !
مالك :
طيب ! تعال خلينا ندخل الصالون جوا ، و نتكلم بي راحتنا ! بس !! ااا سلوان كويسه ؟؟
مدثر :
لا انا ماشي ! انا جيت بس اديك تلفونك لانك نسيتو في الاستقبال حق المستشفى و شكلك ما فقدتو ، و بعتذر كمان بس لنجبرت ارد لان مكالماتو كانت كتيرة ، و اقول ليك انك تشوف حياتك " اتحرك "
مالك " مسكو من يدو كا ردة فعل "
دقيقه ! اولاً يا مدثر انا م عندي مشكله في انك ترد ، اصلاً كتر خيرك انك قطعت المشوار دا كلو عشان تجيبو لي لحد البيت !
بس كلامك الاخير دا ما فهمتو يعني ! اشوف حياتي كيف ولا قصدك شنو ؟؟؟
مدثر :
في رسالة جاتك و برضو شفتها غصب عني !
محتواها عملي انك سايب الوراك و القدامك و حارس اختي ! اقراها لي !!
شوف انا يمكن م من حقي اقول الكلام دا او اعمم بس مافي زول في الزمن دا بيتنازل عن مستقبلو مقابل مستقبل مجهول والانت عملتو دا صدمتي فيك ! يعني زول بمكانة مالك المُلهم لي شباب و ناس كمية و م بنكر انا كنت ضمنهم في يوم من الايام و اتمنيت لو القى فرصة بسيطه في مؤسسة Diamond .. فا كونك تتجاهل اخطاراتهم بالطريقه دي انا ما حبيت الموقف دا منك ! يعني الفي مكاني كان حيكون مبسوط ان في زول كدا متمسك بي اختو للدرجة دي !
بس البتعمل فيهو دا ما بيرضيني !
و م بنكر قبل ما اقرا الرساله دي كنت شايل في بالي انك اتناسيت سلوان بمجرد ما رفضتك لانك من بعدها بطلت تجي المستشفى اصلاً ! بس بعد م شفت الرساله عرفت انك عملت كتير و كتير شديد !!
و هسي م تضيع مستقبلك و زمنك في حاجة
ما حتحصل ! و شوف حياتك و مستقبلك ! و ما ناسي اني مديون ليك !!
مالك :
دقيقه دقيقه !!
مستقبلي انا البحددو ! و الباقي توفيق من رب العالمين ! و لمن تقول لي امشي شوف حياتك ! حا اجيك انت و انت عارف الباقي !
مدثر :
نصيحة اخويه ! الحياة م كل يوم بتدينا فرصة جديده يا مالك !! فا ما تنسى البتقدمو دا زاتو توفيق من ربنا !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
