شارع ال60

٧٧

" جاهو صوتها "
كويسه حبيبي ما تقلق ، مصدعه حابه انوم ما تصحوني !

مالك : ااااه الحمدلله طيب ، تعالي يا خالتي " مشو قعدو في الكنب " ما عارف ليه قلقته كدا هههه 
خالتو : " بي عدم اتطمئنان "
لا كويسه ساي قلقنا ههه ، نشرب شنوو ؟

مالك : انا حا اقوم اللبس ، طالع اشم هواء شويه ، و مفروض ابدا اموري بعد كداا .. المهم اذا احتجتي حاجة اتصلي بي ، انا ما بتأخر لاني وعدت ندى بي مشوارها داااك !
خالتو : تمشي و تجو فيني و بعدين تقطعو لي راسي الحمدالله بس ..
مالك : " باسها في راسها " ما يحرمنا منك يا رب .. و مشى!!

#جانب_ندى !

" قاعدة في الارض و عاصرة وشها بالمخدة "
*بتحكي *
#فلاش_باك * قبل تلاته ساعات *

بعد قعدته في الكنبه مكان عزو ، و ماسكة موضوع مع لبنى ! و بدت تنزل الرسايل .. اول رساله عاينت مع صوتها بي ردة فعل ، و ما قريتها ، لحد ما جو رسالتين تانين و عملو صوت ، عاينت فيهم من الشاشه !!
ختيت تلفوني في رجولي و مسكته تلفون عزو ، و قريت الرسايل #سُكرتي !!
لا إرادياً دموعي نزلو في شاشة تلفونو و انا بقرا في الرسايل حقتها ، من سمعت حركتو في الدخله القبل السلم خصوصاً اني م سمعت صوت عربيتو ، فا كل العملتو وقتها اني ختيت التلفون في الكنبه و جريت على الحمام !!
و سامعه صوتو برااا ، تفادياً لي اي موقف فتحت المويه لاني م كنت قادرة اضبط نفسي و انهرت ، انهرت ، بقيت ببكي بي حسسي من الوجعه ، اي ندى القويه انهارت و بتبكي قي حين انها واقفه على الطلاق و ما فارق معاها شي !
يعني انا حتى لو اتطلقته ما حيفكر فيني و لا حيحزن علي ، ما حيعتبرني خسارتو ، لانه عنده البديل ، ببكي حرقه لاني حسيت نفسي ما عندي قيمة و خلاني افكر ليه هيا و ما انا ؟ ليه انا الناقصني شنو عشان ما يحبني انا ؟ 
جيتني ليه ؟ عرستني ليه ؟ دخلت حياتي من الاساس ليه ما كان ممكن ربنا يرزقني بي واحد احسن منك و بقدر يتحملني وقتها و يغير فيني و يحبني و احبو ؟ ؟

م كنت قادرة اشارك صدمتي دي مع زول لان ما عندي زول .. كنت محتاجة اخوي ابكي جمبو لاني م حقدر ابكي في حضنو و احرق قلبو علي و هو في فترة محتاج يكون فيها في احسن حالاتو !!
" و مشيت عند خالتي والباقي عارفنو  "

يُهزَم المرء حين يكتشف أنه كان يستحق، يستحق أن يُرى بالمِثل، أن لا يكون له بديلًا، أن لا يهون حُزنه، أن تبدو الأيام بدونه رمادية، خانقة؛ لكنه لم يكُن ..

#جانب_عزو !
" بعد وصل تسنيم "

عزو : تسنيم ! ما عايزة تقولي لي حاجة ؟
تسنيم : لا .. انت ما صغير و انا نورتك قُدرتي في حين كنت غافل ، و الباقي عندك ! مع السلامة .. " شايله ولدها و دخلت "
#اتصلته_على _سلوان ..

** الوووو عزالدين ، ااه لا نسيت ، تقوم تفتكرني زعلانه هههه قصدي حبيبي ، ازيك  يا المافي زيك ؟
__ كالعاده ، مشتاق ليكي !
** صوتك مالو كئيب و حزين كدا ؟ انت كويس ؟
__ كويس ! ينفع نتلاقى اسي ؟ عايز اتكلم معاكي في موضوع !
** اي شفته رسالتك من شويه التلفون بقى م بحيب لي صوت اشعارات ،، المهم موضوعك المعلقني بيهو دا اسي بعد نتلاقى تنظ منو يا عزو !
__ لالا ما بنط ،، انا قررته خلاص
** و مالك جادي كدا ؟ م مطمنة ليك والله !
__ اتطمني !
** طيب على العموم انا الليله في زنوبيا ، نزلته شغل ، تعال لي على 6:30 .. اسي صعب  !
__ طيب مع انه ما حاسي اني مفروض انتظر بس م مشكله ، 6:30 بجيكي !
** قلقت بي لكن ننتظر !
__ طيب #سلام ....