سلوان " عاينت لي يدينو م لقيت حاجة في اصابعو ، رفعت نفسي رجعت الميداليه حتتا " : م تركز .. و نزلتا وقفلت الباب !!
مالك " طلع من العربيه "
سلوان !
سلوان " اتلفت عليهو " ! نعم !؟
مالك : في منها اقلام !!
" اخدت لي صنة و بقيت واقفه و شابكة يديني قدامي في بعض و بعاين ليهو و الدنيا دي حسيت بيها صنت من حولي ..قلت ليهو " :
سلوان : قلت شنو ؟
مالك " قفل باب العربيه و خت يدينو في جيبو " : قلت ليكي في منها اقلام !!
" اتداخل علي صوت من وراي ، بيقول لي بي تردد و عدم تأكيد "
__ سلوان !!!
سلوان " اتلفت عليهو بي خلعه " : مم مدثر !!
مدثر " عاين لي مالك و رجع عاين لي و عقد حاجبينو و هو ماسك كيس شماعه رمادي كبير متني على معصم يدو ! و هز لي راسو نظام دا منو و في شنو و الموقفك كدا شنو ؟ كمية من الاسئله وصلتني من نظرتو "
" بس مالك ما اداني فرصة ،، و جاا علي و اتخطاني بحكم انمدير وراي بي خطوات .. كان مبتسم و مشى مسك يد مدثر و ربت على ضراعو باليد التانيه ، و قال ليهو " :
مالك : سلااام عليكم كيف الحال ان شاءالله بخير ياخي ! اسف والله بس كنت مضطر شديد ، و كان مفروض انتظرك دي ما سلوان طلبت مني لكن المشكلة ان شغلي كلو متوقف على تلفوني !! اسف والله ...
مدثر " ملامحو ابتهجت خفيف و عاين ليو رد ليهو السلام بي هزتو لي يد مالك احساس السلام الحار " : العفو ياخي انا بس اتفاجأت من وقفتا كدا كانت غريبه شويه !
سلوان : مدثر ! دا استأذ مالك المسؤل عن الموضوع بتاع العقودات اللي ورطنا بيها علي زي م عارف و القصه بحكيها ليك قدام بس مكان ينفع يصل البيت انت عارف اعمامك !!
مدثر " سلم عليهو تاني " : انا شايفك في حته ؟؟؟
مالك : كل البشوفني بقول لي كدا حايز ملامحي مألوفه !
مدثر : لالا ما قصة ملامح ! بس انا متأكد اني شايفك ، على العموم فرصه سعيدة ، و كان شرفتنا للغدا و الحنه بعدين حا اكون مبسوط شديد !
مالك : لو بتختو لي حنة بجي هههههه
مدثر : طوالي والله ! معليش كان مفروض اتعرف عليك في فرصه افضل من كدا و ياريت لو تتفضل
مالك : كان لقيت طريقه بجي ان شاءالله لكن اسي والله صعب .. بتنتلاقى !
مدثر :تشرفنا والله ! بس بعدين خش بالشارع دا " اشو ليهو " حتلقى الصيوان !!
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
