#جانب_ندى !
سجى :
" بي تنبيه "
امممممممي جووونا ضيوف ! اخوات عزووو !
ندى :
" بي ابتسامة ترحيب "
يا مرحب يا مرحب يا مرحب اتفضلوو خشو ، "مشت عليهم بتسلم " تسنيم كيفك تمام .. تقوية كيفك .. اتفضلوو !
خالتها :
" بي خجل و توتر "
هي ، معليش مع ونستنا انا و ندى بي صوتنا العالي دا والله ما انتبهنا معليش " بتسلم عليهم " كيفكم عليكم الله و كيف الاولاد ان شاءالله بخير " قعدو " !
تسنيم و تقوى :
" بي ابتسامة تغطي على توترهم "
تسنيم : بخير يا خالتي والله في نعمة الحمدلله ، كيفكم انتو مع تقلبات الجو الحاصله دي !
تقوى: ( لكزتها بتحت ) الحمدالله بخير والله ..
ندى : سجى جيبي موية حبيبتي ما عليك امر !
"خالتها و سجى بقو منططين عيونهم و يعاينو لبعض في اسلوبها الاتغير فجأة "
تقوى : " بي صوت هامس "
انتي دي ياها ندى الواااحدة ديك زاتها ؟؟
تسنيم : احم ما بعرف انا زاتي .. اسكتي عايني بعيونك بس ..
تقوى : بري والله ما ياها !
تسنيم : كان ما ياها الكلام السمعناهو واحنا داخلين دا شنو طيب ؟
تقوى " م قدرت تسكت "
ندوية ، شنو السماحة دي ، ماشاءالله تبارك الله !
ندى : من بعدك حبيبتي والله تسلمي !
تقوى :
" هامسه لي تسنيم "
يختي دي عملت نيولوك برا و جوااا !
تسنيم " كتمت الضحكة "
*تلفون ندى بيرن*
ندى : لبنى حبيبتي كيفك ؟
#ملخص_المكالمة
( لا حبيبتي امشي انتي انا جوني ضيوف والله و غالين على قلبي شديد، امشي انتي و اعرفي لي التفاصيل حقتهم كلها عليكي الله ضروري شديد .. اهاا يعني بتنتظريني نمشي سواا بكرة ؟ يا عمري تسلمي لي يارب ما انحرم منك يا لبنى .. طيب باي باي حبيبي )
خالتها "
"منططة عيونها و تبلع في ريقها "
تسنيم :
عارفه كان نفسي اقول ليكي عطلناكي من مشوارك و نتأسف ليكي ، لكن وووين يااا ، جيتنا دي شايله ليكي بشارة خير ، يعني بركة الحصلناكي قبل تطلعي ههه !
أنت تقرأ
شارع ال60
Kurzgeschichten#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
