နံနက်အစောဆုံးကားနှင့်ထွက်လာသောကြောင့် မှော်ဘီအိမ်ကိုရောက်ချိန်မှာ ၇နာရီခွဲခန့်သာရှိသေး၏။ အိမ်ကြက်တစ်ကောင်နှင့် မီးဖိုထဲတွင်အလုပ်များနေသောညီမဖြစ်သူက စစ်မင်းခကိုမြင်လိုက်စဉ်...။
"ကိုကိုရောက်လာပြီလား၊ မမမိုးတို့ကရော ဘယ်အချိန်လောက်ရောက်မှာတဲ့လဲ"
"၁၁ နာရီလောက်တော့ရောက်မယ်ပြောတယ်၊ အေးဆေးချက်ပါ။ ခဏနော် ကိုကိုပစ္စည်းတွေကိုအခန်းထဲသွားထားလိုက်ဦးမယ်။ ကိတ်မုန့်တွေစားပွဲပေါ်တင်ထားခဲ့တယ်၊ သိမ်းလိုက်ဦး"
အခန်းထဲကျောပိုးအိတ်ကိုဝင်ထားနေစဉ် ဖွင့်ထားသောပြတင်းတံခါးမှတစ်ဆင့် ဖခင်ဖြစ်သူကိုစိုက်ခင်းထဲတွင်လှမ်းမြင်လိုက်သည်။ ထုံးစံအတိုင်းခြံထဲရောက်နေခြင်းကြောင့် ငယ်လေးဆီကိုမသွားသေးဘဲ ခြံထဲသို့ဆင်းလာခဲ့လိုက်သည်။ အိမ်နောက်ဘက်မြေကွက်ကျယ်ကျယ်တွင် စိုက်ပျိုးထားသော သီးပင်စားပင်များအကြား ရေဖျန်းနေသော
ဖေဖေကကျွန်တော့်ကိုမြင်လိုက်ချိန်...။
"သား ရောက်လာပြီလား၊ စောသားပဲကွ"
"ဟုတ်ကဲ့ဖေဖေ၊ အစောဆုံးကားနဲ့ထွက်လာလိုက်တာ၊ လမ်းမှာအတက်အဆင်းနည်းတော့ စောရောက်လာတာပေါ့။ ဖောက်သယ်တွေရောလာသွားပြီလား"
"ကြာပေါ့"
ဖေဖေ့လက်ထဲကရေပိုက်ကိုလက်လွှဲယူလိုက်ရင်း ချဉ်ပေါက်ပင်တန်းဆီဖြန်းလိုက်၏။
"မာလကာခြံရောအခြေအနေဘယ်လိုဖြစ်သွားပြီလဲ"
"အကိုင်းတွေခုတ်သင့်တာခုတ်ပြီး ဆေးကျွေးထားရတာပေါ့၊ ဒီနှစ်တော့သိပ်မျှော်လင့်လို့မရတော့ဘူးပပေါ့သားရယ်၊ ကံပေါ့"
ကျွန်တော်တို့မိသားစုပိုင်ကီလိုမာလကာခြံတွင် ဒီနှစ်ပျပိုးကျခြင်းကြောင့် ဖေဖေတစ်ယောက်အတော်အလုပ်များသွားရသည်။
ကျွန်တော်လည်းကျောင်းတစ်ဖက်နှင့်ဖေဖေ့ကိုမကူညီနိုင်ခဲ့ပါ။ အလုပ်သမားများနှင့်အတတ်နိုင်ဆုံးထိန်းသိမ်းပြုပြင်နေတာကိုတော့သိခဲ့ရ၏။
ယမန်နှစ်ကထွက်နှုန်းကောင်းခဲ့၍ဝမ်းသာမည်ရှိသေး၊ ဒီနှစ်မှာပိုးကျပြန်၏။ ဘယ်အရာမှမတည်မြဲဘူးဆိုတာကိုလက်ကိုင်ထားတဲ့ဖခင်ကြီးကတော့ ကျွန်တော်တို့မောင်နှမလောက်စိတ်မကောင်းဖြစ်ဟန်မတူ၊ အေးအေးသာသာသာရှိနေ၏။
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
