မောင်နှမနှစ်ဦးမီးဖိုထဲတွင်မနက်စာပြင်ဆင်နေစဉ် ညီမလေးကမေး၏။
"ကို့ကို့နှုတ်ခမ်းကကွဲနေတာလား။ နည်းနည်းယောင်နေတယ်နော်"
"အပူကန်တာဖြစ်မှာပေါ့"
"ဝမ်းချုပ်ပြန်ပြီလား၊ မနက်ခင်းတိုင်းရေတစ်ခွက်သောက်ပါလို့ပြောထားတယ်လေ"
"သောက်ပါတယ်၊ ခုနပဲညီမလေးရှေ့မှာသောက်လိုက်တယ်လေကွာ"
"ပုံမှန်သောက်ရင်ကွဲစရာလား၊ ကိုကိုနော် ဆရာဝန်လောင်းဖြစ်ပြီး ကျန်းမာရေးကိုလည်းဂရုမစိုက်ဘူး။ ပုံမှန်ရေသောက်ပြီးအပုပ်စင်အောင်နေလေကွာ၊ ဝမ်းချုပ်တာနဲ့အပူကန်တော့မှာပေါ့။ ကျောင်းဖွင့်တာနဲ့ဖြစ်လာပြီ၊ စာကြည့်နေရင်အိမ်သာတောင်ထမတက်ချင်တာဘာအကျင့်မှန်းကိုမသိဘူး"
မနက်ခင်းမှာရေတစ်ခွက်သောက်ပြီးအစာအိမ်ကိုရှင်းထုတ်ပြီးမှ အစာသစ်ကိုစားလေ့ရှိတဲ့ညီမလေးကကျန်းမာရေးဂရုစိုက်လွန်းသူ။ ကျွန်တော့်လောက်အသားအရည်မလှပေမဲ့ စိုပြေပြီးအဖုအပိတ်တစ်ခုမှမရှိလေအောင်နေတတ်ထိုင်တတ်သူလေး။ ခုလည်းနှုတ်ခမ်းကွဲနေတယ်အထင်နှင့်ဆရာလုပ်နေသည်ပင်။
တကယ်တော့နှုတ်ခမ်းကအစွယ်နှင့်ချိတ်မိလို့ပေါက်သွားရသည့်အဖြစ်။ ချိတ်မိတာလား တမင်ကိုက်လိုက်တာလားလည်းမသိတော့ပါ။ မလွှတ်တမ်းငုံခဲထားတဲ့သာလိကာဟာ သာလိကာမဖြစ်နိုင်၊ ဘာကောင်းမှန်းကိုမသိတော့ပါဘူးဗျာ။
ထူပူနေသောအောက်နှုတ်ခမ်းကိုဖိငုံထားလိုက်ရင်း မျက်မှောက်ကိုကျုံ့ထားလိုက်မိသည်။
"သွေးတောင်စို့နေတယ် သွား..ငယ်လေးမှန်တင်ခုံပေါ်မှာနှုတ်ခမ်းနီအဆီတောင့်လေးရှိတယ်။ သွားဆိုးထားလိုက်၊ ရန်ကုန်ပြန်ရင်ယူသွားနော်၊ ဆောင်းတွင်းကအားကြီးနှုတ်ခမ်းကွဲတတ်တယ်"
"ရတယ် စားပြီးမှပဲဆိုးလိုက်မယ်"
"ဂရုစိုက်ပါကိုကိုရဲ့"
"အင်းပါကွာ"
ထိုစဉ်တရားခံညီမင်းသွင်တစ်ယောက် အခန်းအပြင်ကိုထွက်လာ၏။ ရေချိုးခန်းရှိရာဆင်းသွားတော့မှ သက်ပြင်းကိုခိုးချလိုက်မိသည်။ အခန်းထဲဝင်ကြည့်လိုက်တော့ သူ့အိပ်ယာကိုအဆင်ပြေသလိုခေါက်သိမ်းသွားသား။
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
