2013 Jan
Nyi Minn Thwin
ချိန်းဆိုထားတဲ့နေရာကိုရောက်ချိန်တွင် သူငယ်ချင်းအားလုံးစုံနေပြီ။ Maternity Coat လှလှလေးနှင့်ပြည့်ပြည့်ဖြိုးဖြိုးလေးဖြစ်နေသောငထားဘေးဝင်ထိုင်လိုက်ပြီး...။
"ဒီမီးပုံးပျံကြီးက တန်ဆောင်တိုင်ထိစောင့်နိုင်မယ်မထင်ဘူး။ ဘယ်တော့လဲငထား"
"နောက်လကုန်"
စူပုတ်ပုတ်မျက်နှာထားနှင့်မကြည်မသာပြန်ဖြေသည်။ ဘာအကြောင်းကြောင့်မကြည်မသာနေတယ်သိပေမဲ့ အရေးလုပ်ပြီးပြောမနေချင်တော့ပါ။ ဆုံးဖြတ်ပြီးသားကိုဘာအကြောင်းနှင့်မှပြင်ဆင်ရန်စိတ်မကူးနိုင်တော့ပါလေ။
"မေပုလဲ၊ နင့်ပဲလင်းမြွေရောမပါဘူးလား"
"နင်မေကြီးတော်ပဲလင်းမြွေလား။ ဇွဲလင်းနွေပါဟာ"
"သိသားပဲ။ လူကပိန်ပိန်ရှည်ရှည်ဖြူဖပ်ဖြူရော်နဲ့မို့ပဲလင်းမြွေလို့ခေါ်တာ"
"သူများကိုပြောရမယ်ဆိုရင် နင်သိပ်တတ်နော်မုန့်ကုလားမည်း၊ ငါတို့ချင်းပဲတွေ့ချင်လို့တမင်ခေါ်မလာတာ"
ထားတို့နှစ်ယောက်ကိုစနောက်လိုက်ပြီးမှ တစ်ကျိတ်ကျိတ်ဖြစ်နေသောဖအေမတူမအေကွဲ ဘာချင်းဆက်မှန်းမသိသောမြတ်သူတို့ဘက်လှည့်ကြည့်လိုက်၏။
တည့်ချင်ရင်သူတို့အပြင်မရှိသလို ရန်လည်းသတ်နိုင်လွန်းတဲ့နှစ်ယောက်။ ခုလည်းတွေ့တာသုံးရက်မပြည့်သေး၊ ဘာတွေဖြစ်နေကြမှန်းမသိတဲ့မျက်နှာတွေကတစောင်စောင်။
အရေးစိုက်ပြီးမေးမနေတော့ဘဲ လာချပေးထားတဲ့အစားအသောက်တွေကို ထားနှင့်သီရိပန်းကန်ထဲကောင်းနိုးရာရာလေးတွေထည့်ပေးနေစဉ်...။
"အားလုံး Ready ပဲမဟုတ်လား"
"အေး"
"ငါတို့နှစ်ယောက်လိုက်ခဲ့မှာနော်"
"ကောင်းတာပေါ့ ပစ္စည်းတွေသယ်ဖို့အလုပ်သမားငှားနေစရာမလိုတော့ဘူးပေါ့ကွာ။ နော့ ငထားရာ"
"အေး၊ နှစ်ကောင်တွဲမိတုန်းကောင်းကောင်းနှိပ်စက်ပစ်လိုက်"
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
