ဟန်နီသာထွန်း
တိုက်ရှေ့ထွက်ကြိုနေသောအန်တီချယ်ရီ့ကိုအမြင် အထုပ်တစ်ချို့ကိုကိုင်ဆွဲပြီးကားအောက်ဆင်းလိုက်ချိန် ကားနောက်ခန်းထဲကများလှစွာသောအထုပ်အပိုးတွေကို Driver ကသယ်ပိုးကာအနောက်ကလိုက်လာ၏။
"ဟန်နီလေးကတကူးတကလာတာကိုး၊ အန်တီချယ်ရီလာခဲ့မှာပေါ့"
ပုခုံးကိုဖက်ကာအိမ်ထဲခေါ်လာသူနောက်လိုက်လာရင်း တစ်စုံတစ်ဦးကိုရှာဖွေကြည့်လိုက်ပေမဲ့ အရိပ်လေးတောင်မတွေ့ရ။
"လက်ဆောင်တွေလာပေးရင်း ကိုကိုနဲ့လည်းတွေ့ချင်လို့ပါအန်တီ"
ပြန်လာစဉ်က လေဆိပ်ထိလာကြိုသောအန်တီချယ်ရီ့ကို ဒယ်ဒီလည်းပါနေတော့သိလိုသောအကြောင်းအရာတွေကိုမမေးရဲခဲ့ပါ။ မာမီ့ထက်ချစ်ကြောက်ရိုသေရသောဒယ်ဒီ့ရှေ့တွင် ဒယ်ဒီ့အလိုကျနေခဲ့ရခြင်းကခေါက်ရိုးကျိုးနေခဲ့ပြီ။
"ရောက်တာနဲ့သူ့ကိုကိုကိုမေးတော့တာပါလားဟန်နီရယ်၊ ဟန်နီ့ကိုကိုကအိမ်မှာမရှိဘူး၊ ခရီးသွားနေတယ်"
"ဘယ်ကိုသွားတာလဲဟင်၊ ဟန်နီဖုန်းဆက်တာလည်းမရဘူး"
"သူ့အမိုးရွာကိုတဲ့။ ဖုန်းလိုင်းမမိတာထင်တယ်၊ ဟော့သား...ညီမလေးကိုလာနှုတ်ဆက်ပါအုံး"
"ကိုကိုနိုင်"
"ဟာ...ဟန်နီပေါက်စလေး၊ အပျိုကြီးဖားဖားတောင်ဖြစ်လာပြီလား၊ လှလာလိုက်တာဗျာ"
ရှိုးအပြည့်နှင့်ပြေးဆင်းလာသောကိုကိုနိုင်က ဟန်နီ့ကိုအတွေ့ဆိုဖာတွင်ဝင်ထိုင်လိုက်ရင်း ခြေဆုံးခေါင်းဆုံးကြည့်ပြီးနှုတ်ဆက်၏။
"ကျေးဇူးပါကိုကိုနိုင်၊ ဒီမှာကိုကိုနိုင့်အတွက်လက်ဆောင်တွေပါလာပါတယ်နော်"
"ငါ့ညီမလေးကအတော်ဆုံးပဲ"
ဘေးနားလာထိုင်သောကိုကိုနိုင့်ကိုငဲ့ကြည့်လိုက်ရင်းငယ်စဉ်က ဟန်နီတို့အိမ်ကိုလာလည်စဉ်အတူတူဆော့ကစားခင်မင်ခဲ့ရသောအချိန်တွေကိုသတိရလိုက်မိသည်။ တစ်ဦးတည်းသောသမီးဟန်နီအတွက်အိမ်ချင်းကပ်နေသောခန့်ထက် ကိုကိုနိုင်ကကစားဖော်တစ်ဦးဖြစ်ခဲ့၏။
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
