2010 (October)
သားအဖနှစ်ဦးမျက်နှာချင်းဆိုင်ထိုင်ကာ စားပွဲပေါ်ကဓာတ်ပုံတွေကိုငေးကြည့်နေမိသည်။ စိတ်ပျက်လက်ပျက်နှင့်ဘာလုပ်ရမှန်းမသိတော့သည့်ဦးကျော်ကျော်မင်း။ မျက်စိပျက်မျက်နှာပျက်နှင့်တောက်တစ်ခတ်ခတ်ရှိနေတဲ့နိုင်မင်းလွင်က ဓာတ်ပုံတွေကိုကောက်ကြည့်လိုက်ပြန်ပစ်ချလိုက်နှင့်။
"တွေ့ပြီမဟုတ်လား၊ ကျွန်တော်မပြောဘူးလား။ ဘယ်လိုလုပ်ကြမလဲ။ ပုံစံတွေကြည့်ရသလောက် ညားကိုညားနေတာသေချာတာပေါ့ဗျာ"
"မင်းတိတ်တိတ်နေစမ်းပါကွာ၊ ဒီမှာငါစဉ်းစားနေပါတယ်"
ဦးကျော်ကျော်မင်းမှာနားထင်ကိုဖိနှိပ်ရင်း ဆိုဖာပေါ်တွင်မသက်မသာရှိနေ၏။ ဆေးရုံကဆင်းပြီးအိမ်တွင်အနားယူပြီး ဒီနေ့မှရုံးကိုလာခဲ့ခြင်း။
"ဘာစဉ်းစားစရာရှိလဲ၊ လာ...ခုပဲသွားရှင်းလိုက်ကြမယ်။
ခုချိန်ဆိုတိုက်ခန်းမှာနှစ်ယောက်လုံးရှိနိုင်တယ်"
"မင်းအသာနေစမ်းပါနိုင်မင်းလွင်ရာ၊ ပြောမဲ့ပြောငါပဲပြောလိုက်ပါ့မယ်။ ဒီကောင်ကမင်းပြောလို့ရမဲ့ကောင်မျိုးလည်းမဟုတ်ပါဘူး"
စုံစမ်းခိုင်းထားသောလူဆီက တစ်လအကြာတွင်ရရှိလာတဲ့သက်သေသာဓကတွေကခိုင်ခိုင်မာမာ။
"ဒယ်ဒီပြောရင်ရောရမယ်ထင်နေလို့လား ဟင်၊ ဘယ်လောက်အကြောတင်းတဲ့ကောင်လဲဆိုတာဒယ်ဒီမသိလို့လား"
"အေး...ငါသိတယ်၊ ဒါ့ကြောင့်စဉ်းစားနေတာပေါ့ကွာ။ သူ့ကိုပြောလို့မရရင် ကိုလတ်သားကိုပဲချော့ပြောရတော့မှာပေါ့၊ သားစစ်ကမင်းညီထက်စာရင် ပြောလို့ဆိုလို့ရမဲ့သဘောရှိတယ်"
ပြဿနာကိုသိလိုက်ကတည်းက ဖြစ်နိုင်ခြေရှိသည်များကိုတွေးနေရင်းသားစစ်ကိုပဲနားချမှဖြစ်မယ်ဆိုတာကို သဘောပေါက်မိသည်။
"သူ့ပြောလို့ရရင်တောင်မှ ဒယ်ဒီ့သားကနောက်ဆုတ်ပေးပါ့မလား မြင်တယ်နော်၊ ဖြစ်ပျက်နေတာများသူကပိုဆိုးနေတာ။ သည်းကဲနေလိုက်တာများဗျာ။ ကျွန်တော်ပြောသားပဲ၊ ဟိုတစ်ခါတိုက်ခန်းလိုက်သွားတုန်းက ကျွန်တော်လာတာကိုမကြည်မသာနဲ့ပါဆိုမှ၊ ကျောင်းသွားတော့မှာဆိုပြီးထွက်လာတာလည်းမတွေ့ဘူး။ အပေါ်ထပ်ကိုနောက်တစ်ခေါက်တက်ပြီးသွားကြည့်တော့ အခန်းတံခါးကိုအပြင်ကနေသော့ခတ်ထားတယ်"
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
