"ဟယ်လို ကိုလင်း"
နောက်ဆုံးဘာသာကိုလျောလျောရှူရှူဖြေပြီးသည့်နောက် ကျေနပ်နေသောစိတ်နှင့်စစ်တို့ကျောင်းရှိရာဆီထွက်လာရာလမ်းတွင် ကိုလင်းဆီကဖုန်းဝင်လာ၏။
"မင်းသွင်၊ အစ်ကိုပြောစရာရှိလို့"
"ပြောလေ"
"ဝပ်ရှော့ကကားရပြီဆိုလို့သွားယူတာ၊ အဲတာအပြန်လမ်းမှာနိုင်မင်းနဲ့တွေ့တယ်"
(Note မင်းသွင်အစ်ကိုနာမည်ကနိုင်မင်းလွင်ပါနော်။ မမှတ်မိမှာစိုးလို့ပြန်မိတ်ဆက်ပေးတာ)
"ကိုကိုနဲ့တွေ့လာတာလား၊ ဒီတော့..."
"ကားကိုစမ်းမောင်းကြည့်ချင်တယ်ပြောလို့ ပေးမောင်းလိုက်မိတာကိုကွာ၊ အဲတာအစ်ကိုကို့အိမ်ပြန်လိုက်ပို့ပြီးကားကိုဇွတ်ယူသွားတယ်။ ညီလေးကားလို့ပြောလိုက်ပါတယ်၊ ဘယ်လိုမှပြောလို့မရဘူး အေးဆေးပါဆိုပြီးမောင်းချသွားတယ်"
"ဟာကွာ၊ ဘယ်ကိုယူမောင်းသွားတာလဲ"
"ပြောမသွားဘူးညီလေး၊ အစ်ကိုတောင်းပန်ပါတယ်။ ရိုးရိုးသားသားမောင်းကြည့်ချင်တယ်ထင်လိုက်လို့ ကားသော့ကိုပေးလိုက်မိတာပါ"
"ကိုလင်းအပြစ်မဟုတ်ပါဘူးဗျာ။ ကိုကိုကသာစည်းကျော်လာတာမျိုးပါ"
"ညီလေး အစ်ကိုစိုးရိမ်တာလေ၊ ကားထဲမှာ Owner book ပါသွားတယ်။ စာရွက်စာတမ်းတွေကတော့အစ်ကို့ဆီမှာပါ"
"အာ...ဒီလိုလား။ ဟုတ်ပြီကိုလင်း ကျွန်တော်သူ့ဆီဖုန်းဆက်လိုက်မယ်။ နောက်ဆိုသတိထားမှတော့ဖြစ်မယ်နော်။ တစ်ခုခုဆိုကိုလင်းခေါင်းပဲ"
ပြောသင့်သောစကားကိုအားနာနာနှင့်ပြောထားလိုက်ရသည်။
"အေးပါကွာ၊ နောက်ဆိုသတိထားရတော့မှာပေါ့၊ အစ်ကိုလည်းဖုန်းဆက်နေတာ။ မကိုင်လို့ညီလေးဆီကိုအကြောင်းကြားလိုက်ရတာပါကွာ"
"ဟုတ်ပါပြီ၊ ကိုလင်းရေ..ကိုကိုအနေအထားကို ကိုလင်းအသိဆုံးမဟုတ်လား။ သူနဲ့အလုပ်သဘောအရခပ်ကင်းကင်းနေမှဖြစ်လိမ့်မယ်။ ဒါက ကျွန်တော်မပြောချင်ဘဲပြောလိုက်ရတဲ့စကားပါ"
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
