ကျောပိုးအိတ်၊ ပလပ်စတစ်ခြင်းကြီးတစ်ခြင်းနှင့်အဝတ်အိတ်တစ်လုံးကို ရန်ပိုင့်ကားပေါ်တင်ကာမှော်ဘီကိုဦးတည်လာခဲ့ကြသောလမ်းတွင် ရန်ပိုင်ကထားတို့အိမ်ကိုရောက်ခဲ့စဉ်ကအဖြစ်ကိုပြောပြလာ၏။
"ထားအမေကတော်တော်အချက်အပြုတ်ကောင်းတဲ့ပုံပဲကွ။ နန်းကြီးသုပ်များမန္တလေးသွားတုန်းကစားခဲ့ရတဲ့အတိုင်းပဲ။ ငါ့အမေကိုပြန်သွားကြိုရင်းစားခဲ့ရတာ"
"ထားနဲ့ရောတွေ့ခဲ့တယ်မဟုတ်လား"
"တွေ့ခဲ့ပါ့၊ သူ့သူငယ်ချင်းကိစ္စဝင်ပြောခဲ့ဖူးလို့လားမသိပါဘူး၊ ရင်းရင်းနှီးနှီးနှုတ်ဆက်ပြီးစကားပြောပါတယ်။ ငါ့အမေကတော့ အိမ်လည်ထွက်ရလို့ပျော်လည်းပျော် စားချင်တာတွေလည်းစားပေါ့ကွာ။ ထားကိုလည်းချစ်လို့တဲ့ သမီးသမီးနဲ့ပါးစပ်ဖျားကမချဘူး အဟား"
"ဒါ့ကြောင့် စာမေးပွဲဖြေပြီးအရိပ်တောင်မမြင်ရအောင် ပြေးလိုက်တာတန်းနေရော၊ မိုးကမေးနေလို့ငါလည်းဗြောင်ညာလိုက်ရသေး"
"မိုးကထားတို့နဲ့မှလိုက်လာမှာလား"
"အေး၊ မိုးရယ်သူ့ညီမရယ်ပဲလိုက်ဖြစ်တယ်။ ကျန်တာထားရဲ့သူငယ်ချင်း ၃ ယောက်"
"လူတွေများနေတာကို ငါပါလိုက်လာမိတာအားနာလိုက်တာ "
"အရေးမပါတာတွေပြောပြန်ပြီ။ ငွေမရှိပေမဲ့စေတနာတွေကအပြည့်ပါကွ။ ခြံကြီးတစ်ခြံလုံးရှိမှတော့ ထမင်းနဲ့အသီးအရွက်ကြော်တစ်ခွက်ကတော့ ဘယ်အချိန်လာလာကျွေးနိုင်ပါတယ်ကွာ"
"ငါလည်းအခုမှပဲမင်းတို့ခြံလေးကို လိုက်လည်ဖြစ်တော့တယ်"
"အေးပေါ့ စွဲဆောင်တာလေးတွေကလည်းရှိနေတာကိုး"
ပြောလိုက်တဲ့စကားကိုမငြင်းဘဲ ပြုံးပြုံးကြီးဖြစ်နေသောမျက်နှာကြောင့်ရယ်ချလိုက်မိ၏။
"အေးပါ ရယ်ပါ ရယ်နေပါ။ အလှည့်ကျတော့မနွဲ့စတမ်းပေါ့စစ်မင်းခရာ "
"သြော် သဘောကျလို့ရယ်မိတာပါကွာ။ ဒါနဲ့ဟိုရောက်ရင် ရင်းနှီးအောင်နေနော်၊ ငါဂွင်ဖန်ပေးမယ်။ မင်းကအူတူတူတော့မလုပ်နဲ့ပေါ့။ သိတဲ့အတိုင်းရည်းစားသာမရှိသေးတာ လာကြိုက်တဲ့လူကပေါမှပေါတဲ့။ ငါညီမင်းသွင်ကိုမသိမသာမေးကြည့်ထားတာ"
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
