2.5.2008
ရန်ကုန်။
"စစ် မကြောက်နဲ့နော်၊ ကိုယ်ရှိတယ်"
"အင်း"
မျက်လုံးလေးအပြူးသားနှင့်ရင်ခွင်ထဲတိုးဝင်လာပြီး အပြင်ကိုနားစွင့်နေသောစစ်က နှုတ်ဖျားကလည်းမှော်ဘီကမိသားစုကိုစိတ်ပူနေကြောင်းတဖွဖွ။
လေရောမိုးပါရောပြီးတအုန်းအုန်းတဒိုင်းဒိုင်းဖြစ်နေသောအပြင်ဘက်ကအခြေအနေကကြောက်လန့်ဖွယ်။ အနီးပတ်ဝန်းကျင်ကသစ်ပင်တွေလဲကျသံ၊ သစ်ကိုင်းတွေကျိုးကျသံများကလည်း လွင့်ပါမတတ်ကြမ်းတမ်းနေသောလေပြင်းသံတွေကြားမှာအတိုင်းသားကြားနေရသည်။
"ဒီမိုးကတစ်ညလုံးတိတ်ပါမလားဟင် ညီ"
"ဒီတိုင်းဆို တစ်ညလုံးမကနောက်တစ်ရက်တောင်ကပါ့မလားစစ်ရယ်။ တစ်ခါမှတောင်မကြုံဖူးဘူး၊ စစ်မပြောနဲ့ကိုယ်တောင်လန့်လာပြီ"
"တိုက်..တိုက်တော့မပြိုလောက်ပါဘူးနော်"
'အဟား...တိုက်ခန်းကတော့မပြိုပါဘူးအချစ်ကလေးရယ်။ ဆောက်ထားတာမှ ၂ နှစ်တောင်မပြည့်သေးတာကိုဗျာ။ တအားကြောက်နေရင်သီချင်းနားထောင်နေမလား၊ MP4 လေးနဲ့နားထောင်နေလေ..နော်"
"ဟင့်အင်း...စိတ်ပူနေပါတယ်ဆိုမှညီရာ၊ ဖုန်းကဆက်လို့မရဘူးလားဟင်"
"မှော်ဘီရောအမိုးတို့ရွာရောဆက်လို့မရတာညနေထဲက"
"ဟင်...မီး မီးပျက်သွားပြန်ပြီ"
မီးကပျက်သွားတာကြာပါပြီ။ အိမ်ယာဝန်းထဲကမီးစက်ကြောင့်သာမီးရနေခြင်းမျိုး။ ခုတော့မီးစက်မီးလည်းပျက်သွားပြီထင့်။
"မကြောက်ပါနဲ့ ကိုယ်ရှိပါတယ်စစ်ရယ်။ ဘာလို့ဒီလောက်ကြောက်နေတာလဲ"
"ငါ...ငါကမိုးကြိုးတွေပစ်နေတာကိုကြောက်တာ၊ ခုလိုလေတွေမိုးတွေအော်ပြီးရွာနေတာကိုလည်း တအားကြောက်တာပဲ။ ဟော့...မိုးချိန်းတော့မယ်"
လျှပ်စီးလက်ခနဲအမြင် နားနှစ်ဖက်ကိုအုပ်ပေးထားလိုက်မိတာတောင်တုန်တက်သွားတဲ့ခန္ဓာကိုယ်လေး။ ခေါင်းလေးပုဝင်သွားပြီး ခါးကိုတိုးဖက်လာသောစစ်ကတကယ်ကြောက်လန့်နေရှာတာ။
YOU ARE READING
ရင်ခုန်သံအချစ်တေးသွား နှလုံးသားဖြင့်ကြားစေသား ❤
Romanceချစ်ခြင်းအစမျက်ဝန်းက တဲ့။ မှားတယ်။ ကိုယ့်အတွက်တော့... တေးသီချင်းလေးကစပါတယ်။ 🎶❤🎶❤🎶❤🎶❤ ခ်စ္ျခင္းအစမ်က္ဝန္းက တဲ့။ မွားတယ္။ ကိုယ့္အတြက္ေတာ့... ေတးသီခ်င္းေလးကစပါတယ္။ Started Date - 2.6.2021 End Date - 14.10.2021
