Arc(1): စေ့စပ်ထားသောသတို့သားလောင်း။
"ပြန်လည်မွေးဖွားလာသည့်စေ့စပ်ထားသောသတို့သားလောင်း။"
လုစစ်ပြန်လာပြီ။
ထိုသတင်းကား ဒယ်အိုးထဲသို့ကျသွားသောရေနွေးပမာ မြို့တော်၏အထက်ပိုင်းစက်ဝန်းထဲတွင်အတော်လေးမွှေနှောက်သွား၏။
"လုစစ်၊ သိပ်မကြာသေးခင်က ကာနယ်အဖြစ်ရာထူးတိုးသွားတဲ့ ငယ်ရွယ်တဲ့မျိုးဆက်လေးမလား။ ဆိုးတော့မဆိုးပါဘူး၊ သူကအသက်ငယ်ပြီးတော့ တောက်ပတဲ့အနာဂတ်ရှိတယ်။ သူကငါတို့အဖိုးကြီးတွေထက်တောင်ပိုတောက်ပနိုင်သေးတယ်ကွ။"
အသက်ပိုကြီးသောမျိုးဆက်များက သူ့အကြောင်းပြောသည့်အခါ၊ သူတို့မနေနိုင်ဘဲချီးကျူးမိကြသည်။"ငါကြားတာတော့ သူက လင်မိသားစုရဲ့သခင်လေးနဲ့လည်းစေ့စပ်ထားတယ်ဆို။ သူကပြောရေးဆိုခွင့်ရှိသူလင်ရဲ့ အနာဂတ်ကောင်းတဲ့သားမက်လေးပဲ။"
"ပြောရေးဆိုခွင့်ရှိသူလင်ကမျက်စိကောင်းသားပဲ။"
အကြီးအကဲများပြောတာကိုကြားလိုက်ရပြီးနောက်၊ မိသားစုထဲကဂျူနီယာလေးများဟာ မနေနိုင်ဘဲဖုန်းခိုးဖွင့်လိုက်သည်။ ကွမ်းနောင်ကစက်ဝန်းသေးသေးလေးထဲတွင်စောဒကတက်လာသည်။
[လုစစ်ပြန်လာပြီလို့ငါကြားတယ်။ လင်ခုံးလုနဲ့သူ့အကြောင်းကိုမင်းတို့မှတ်မိကြသေးလား။]
[ဘာလို့မမှတ်မိရမှာလဲ။ အဲ့ဒီ့အချိန်တုန်းက လုစစ်ကစိုက်ပျိုးရေးဂြိုဟ်ကနေ ငါတို့မြို့ထဲကနံပါတ်တစ်အလယ်တန်းကျောင်းကိုပြောင်းလာခဲ့တော့ အဝေးမှုန်တဲ့လူတစ်သိုက်ကသူ့ကိုအနိုင်ကျင့်ဟားတိုက်ခဲ့ကြတယ်လေ။ အထူးသဖြင့် သူ့ရဲ့စေ့စပ်ထားတဲ့သတို့သားလောင်းလင်ခုံးလုပေါ့။ သူနဲ့မတန်ဘူးဆိုပြီး ထိပ်ဆုံးကနေဦးဆောင်အနိုင်ကျင့်ခဲ့တာ။]
[ကံဆိုးချင်တော့ လင်မိသားစုကအခုအောက်ကျသွားတော့မှာ။ ပြောရေးဆိုခွင့်ရှိသူလင်ရဲ့သက်တမ်းကလည်းကုန်တော့မှာ၊ ပြီးတော့သူကရွေးကောက်ပွဲမှာရှုံးသွားတယ်။ အစ်ကိုလင်ကလည်းရှေ့တန်းမှာဒဏ်ရာရသွားတယ်။ မက်ခါမောင်းတာကိုမပြောနဲ့၊ သူမတ်တပ်ရပ်နိုင်မရပ်နိုင်ဆိုတာကမေးခွန်းတစ်ခုဖြစ်နေတုန်းပဲ။ လင်သခင်လေးကလည်းဘာမှနားမလည်တဲ့အိုမီဂါတစ်ယောက်မဟုတ်ဘူး။ လုစစ်ကဒီနှစ်တွေမှာတစ်လှမ်းပြီးတစ်လှမ်းမြင့်တက်လာပြီးတော့ မကြာသေးခင်ကကာနယ်ရာထူးရသွားသေးတယ်။ ဘယ်သူကဘယ်သူနဲ့မတန်တာလဲကွ။]
![](https://img.wattpad.com/cover/314337319-288-k57225.jpg)
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...