!unicode!
နှစ်ယောက်သားတိုက်ခိုက်တော့မည်မှန်းမြင်လိုက်ရတော့ လင်ခုံးလုခေါင်းကိုက်လာကာ သူ့ကိုစည်းရုံးဖို့ကြိုးစားလိုက်သည်။
"စား၊ အရင်စားအုံး။"သူပြောရင်း ကုစစ်လှီးထားသည့်ငန်းအသည်းကိုသူ့ပန်းကန်ထဲထည့်ကာ အချက်ပြလိုက်သည်: ဒါဆိုရပြီမလား။
ကုစစ်ကစကားမပြောဘဲ ယွီမင်ရှို့ကိုမျက်ဝန်းထဲ၌သတိပေးသောအကြည့်ဖြင့်တစ်ချက်အသာကြည့်လိုက်သည်။ အကြည့်ပြန်ရုတ်ပြီးနောက် သူဓားနှင့်ခက်ရင်းကိုပြန်ကိုင်ကာ ယွီမင်ရှို့လှီးထည့်သွားသည့်ငန်းအသည်းပိုင်းကိုခက်ရင်းဖြင့်ထိုးစားလိုက်သည်။
ယွီမင်ရှို့: .....ဒီကြောက်မက်ဖွယ်ဆက်ဆံရေးကတော့။
သူကသူ့ကိုယ်သူအတွက်ငန်းအသည်းလှီးစားလိုက်ပြီး အခြားဟင်းပွဲများကိုလက်လှမ်းလိုက်သည်။ ဒါပေမဲ့သူစားနေစဥ် သူလတ်လတ်ဆတ်ဆတ်လှီးထားသောအသားကိုလင်ခုံးလုဆီထိန်းချုပ်မရစွာလှမ်းပေးမိသည်။
လင်ခုံးလုတန့်သွားပြီး ကုစစ်ကခေါင်းမော့လာကာ သူ့မျက်လုံးများမှာဓားများသဖွယ် ဆန့်ကျင်ဘက်အခြမ်းကိုအေးစက်စက်ပစ်လွှတ်လိုက်သည်။
ယွီမင်ရှို့: "....."
အပိုင်းအစ: "စိတ်မကောင်းပါဘူး၊ မသိလိုက်မသိဘာသာဖြစ်သွားတာရယ်။" အမှန်တော့ ဘာမှစိတ်မကောင်းစရာအကြောင်းမရှိဘူး။
"ဥက္ကဌယွီ။"
ကုစစ်ကမည်းမှောင်သောမျက်နှာထားဖြင့်ပြောလာသည်။ယွီမင်ရှို့အလျင်စလိုပြောမိသည်။
"နေပါအုံး၊ ငါရှင်းပြလို့ရတယ်၊ တကယ်ငါ့လက်တွေကိုထိန်းချုပ်လို့မရတာ..."ကုစစ်ကသူ့ဓားကိုသူ့ရှေ့မှာတည့်တိုးစိုက်လိုက်ပြီး "ဒေါက်"ခနဲအသံနှင့်အတူ ပန်းကန်ပြားတစစီကွဲသွားကာ ပန်းကန်ပြားပေါ်ကကြက်ကောင်လုံး၏အတောင်ပံများပြတ်သွားသည်။
ကုစစ်ဗလာမျက်နှာထားဖြင့်ပြောလိုက်သည်။
"မင်းလက်တွေကမနာခံရင် ဖြတ်ပစ်လိုက်လို့ရတယ်။"ယွီမင်ရှို့: "......"
လင်.ဘဝမှာအချစ်မရှိတဲ့.လု: "......"
ဒီစားစရာကိုမစားနိုင်တော့ဘူး၊ အဓိကအချက်က ပန်းကန်ပြားတွေကပိုက်ဆံမကုန်ဘူးလား။ လုပ်အားခနှုတ်ပြီပဲ။
![](https://img.wattpad.com/cover/314337319-288-k57225.jpg)
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...