!unicode!
စဲ့ရှီးအာဒီတစ်ခေါက်တော့နားလည်သွားပြီး သူ့မျက်လုံးမှာမနေနိုင်ဘဲစိတ်ပျက်မှုတစ်ချက်ဖြတ်ပြေးသွားချေသည်။
လူလိမ်လေးကအမမဟုတ်ဘူး၊ ဒါဘယ်လိုလုပ်ဖြစ်နိုင်မှာလဲ။ သူကဒီလောက်ကြည့်ကောင်းတဲ့ဟာကို။
သူလမ်းပျောက်သွားတာကိုမြင်တော့ လင်ခုံးလုတစ်စက္ကန့်မျှကြောင်အမ်းသွားရကာ ချက်ချင်းကောက်ကျစ်စွာခြိမ်းခြောက်လိုက်သည်။
"မင်းမျက်လုံးတွေကဘာဖြစ်နေတာတုန်း? မင်းဘာကိုနောင်တရနေတာလဲ။"
စဲ့ရှီးအာခေါင်းအမြန်ခါလိုက်ပေမဲ့ တန့်သွားပြီးမှ သူ့နားတိုးကပ်လာပြန်ကာတီးတိုးဆိုလာသည်။
"ဒါပေမဲ့ကိုယ်မင်းနဲ့ကလေးတွေလိုချင်တယ်လေ။"
လင်ခုံးလုရုတ်ခြည်းမည်းမှောင်သွားကာ သူ့မျက်နှာထားမှာလည်းရှက်သွေးဖြာသွားသည်။ သူဟိုဟိုဒီဒီဝေ့ဝဲကြည့်လိုက်တော့ ဝံပုလွေတစ်ကောင်မှအာရုံစိုက်မနေတာကိုမြင်လိုက်ရသဖြင့် အသံတိုးကာအသိပေးလိုက်သည်။
"ဒါကအပြင်မှာလေကွာ။"
စဲ့ရှီးအာဒီဟာကဘာဆိုင်မှန်းနားမလည်ပေမဲ့ သူအသိပေးတာကိုမြင်လိုက်ရတော့ တစ်အောင့်ကြာတွေးကာပြောလိုက်သည်။
"ဒါဆိုဂူထဲသွားကြမယ်လေ။"
လင်ခုံးလု: "....." မင်းကဖြူစင်တဲ့လူငယ်လေးပါ၊ ဘာလို့ရုတ်တရက်ကြီးဒီလောက်ပြင်းထန်လာတာတုန်း?
"မရဘူး။" သူခေါင်းခါကာငြင်းလိုက်သည်။
"အိုး။" စဲ့ရှီးအာ၏လေသံမှာပျောက်ရှသွားကာ သူသည်းညည်းခံလိုက်ပေမဲ့ သူမအောင့်အီးနိုင်တော့ဘဲ သူ့လက်သန်းလေးဖြင့်ချိတ်မိပြန်ကာ သူ့မျက်လုံးများကခွေးကြီးပမာ မျှော်လင့်တကြီးဆိုမိသည်။
"ဒါပေမဲ့ကိုယ်လိုချင်တယ်လေ။"
လင်ခုံးလု၏ပါးစပ်ထောင့်မသိမသာတွန့်သွားကာ မထင်မှတ်ထားစွာဖြင့် သူတို့အတူရှိသွားသည်နှင့် သူဟာအရင်ဘဝကလိုမျိုးတွယ်ကပ်လာသည်ပင်။
တွယ်ကပ်ခံရတာကအနည်းငယ်ချိုမြိန်လှပြီး လင်ခုံးလုမလှုပ်ရှားဘဲ သူ့ခေါင်းကိုခါလိုက်သည်။
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...
![ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]](https://img.wattpad.com/cover/314337319-64-k57225.jpg)