!unicode!
ဟေးဝေမှာသိသိသာသာက်ိုစဲ့ရှီးအာ၏အထင်သေးသောသဘောထားကြောင့်စိတ်ပျက်သွားရပြီး မျက်နှာထက်ခက်ထန်သောအကြည့်၊ ခပ်နိမ့်နိမ်အူသံနှင့်အစွယ်ချွန်ချွန်များဖြဲပြလျက် ခုခံတိုက်စစ်ဆင်သောကိုယ်နေဟန်ထားပြုလုပ်လိုက်သည်။
ဒါကိုမြင်တော့ ၎င်းနောက်ရှိဝံပုလွေများနှင့်စဲ့ရှီးအာနောက်ကဝံပုလွေများမှာတဖြည်းဖြည်းချင်းအနောက်ဆုတ်ပြီး တိုက်ပွဲကွင်းပြင်အတွက်လမ်းဖယ်ပေးလိုက်သည်။
စဲ့ရှီးအာ၏မျက်နှာပေါ်မှာစိတ်ခံစားချက်စိုးစဥ်းမျှရှိမနေဘဲ သူ့အနားကိုဖြည်းညှင်းစွာချဥ်းကပ်လာသည့်ဟေးဝေကိုသာကြည့်နေလိုက်သည်။
လင်ခုံးလုကသစ်ပင်ကြီးနောက်မှာပုန်းလျက် အသေးစားပစ္စတိုတစ်လက်ကိုတိတ်တိတ်လေးထုတ်လိုက်သည်။ သူ၏ကျိုးနေသည်ဘယ်လက်မောင်းနှင့်ညာခြေကကောင်းမလာသေးသဖြင့် သူ့မှာလှုပ်ရှားနိုင်စွမ်းအကန့်အသတ်ရှိပေရာ ဒီအခြေအနေမှာအပြင်ထွက်သွားတာကစဲ့ရှီးအာအတွက်ဝန်ထုပ်ဝန်ပိုးဖြစ်လာလိမ့်မည်ပင်။
အသေးစားပစ္စတိုကတော့ သူနှင့်အတူအမြဲသယ်သွားတတ်သည့်မိမိကိုယ်ကိုကာကွယ်ရေးလက်နက်ဖြစ်ပြီး ၎င်းမှာသက်ကယ်အာကာသယာဥ်ငယ်လေးနှင့်အတူထွက်ကျလာခဲ့ခြင်းပင်။
တစ်ကောင်ချင်းတိုက်ခိုက်မှုသက်သက်သာဆိုရင် စဲ့ရှီးအာရှုံးနိမ့်မှာကိုလင်ခုံးလုစိတ်ပူမနေပေ။
အရင်ဘဝက သူလည်းစဲ့ရှီးအာနှင့်ဟေးဝတို့၏တိုက်ပွဲကိုမြင်ခဲ့ရသည်။ ရိုးရိုးသားသားပြောရရင် ဥက္ကာခဲဓားမပါရင်တောင် ဟေးဝေကစဲ့ရှီးအာ၏ပြိုင်ဘက်မဟုတ်။ ခွန်အားအကွာအဟအရဆို စဲ့ရှီးအာမှာဝံပုလွေများနှင့်တိုက်ခိုက်ခဲ့ပြီး ဝံပုလွေများကိုပင်အနည်းငယ်အနိုင်ကျင့်ခဲ့သည်ပင်။
အဆုံးတွင် သူကားSအဆင့်ဆင့်ကဲတိုးတက်လာသောလူသားတစ်ဦးပေမို့ ဝံပုလွေတစ်ကောင်ကိုအနိုင်ကျင့်တာကမူလတန်းကျောင်းသားတစ်ယောက်ကိုအနိုင်ကျင့်နေရသကဲ့သို့ပင်။
ဒါပေမဲ့ဟေးဝေရှုံးသွားပြီးနောက်မှာ တစ်ဖက်ကထိုဝံပုလွေတွေကကတိမတည်ဘဲ ညစ်ပတ်တဲ့လှည့်ကွက်တွေသုံးလာခဲ့ရင်ကော?
![](https://img.wattpad.com/cover/314337319-288-k57225.jpg)
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...