!unicode!
သူရှာတွေ့သွားမှန်းမြင်တော့ စဲ့ရှီးအာအလျင်စလိုပန်းကိုင်ကာ လင်ခုံးလု၏မြင်ကွင်းကိုပိတ်ရပ်ပြီး ချောင်းအသာဟမ့်ကာပြောမိသည်။
"မင်းအတွက်။"လင်ခုံးလုပန်းကိုလှမ်းယူကာ သူ့ဆံပင်ပေါ်ကသစ်ရွက်ကိုဖယ်ပေးပြီး ရယ်မောကာပြောလိုက်သည်။
"မင်းဘာလို့တစ်ပင်ထဲကွက်ခူးလာတာတုန်း?"ဒါပေမဲ့စဲ့ရှီးအာကအပင်အနည်းငယ်ပိုရှာခဲ့ရင် နှင်းဆီပင်ကဒီလောက်ခေါင်းပြောင်ပြီး ပန်းဖူးများသာကျန်တော့မည်မဟုတ်။
စဲ့ရှီးအာတုံ့ဆိုင်းခြင်းမရှိပြောလိုက်သည်။
"အဲ့အပင်ကအထင်ပေါ်ဆုံးနဲ့အလှဆုံးပဲ။"လင်ခုံးလု: .....တော်တော်လေးကွန်ဖီးဒန့်ရှိနေပါလား။
ထိုစဥ် ဝံပုလွေဖြူလေးကစဲ့ရှီးအာနောက်မှာခေါင်းလေးပြူထွက်လာကာ ပါးစပ်ထဲတွင်နှင်းဆီပန်းလေးငါးပွင့်ကိုက်လျက်သားဖြင့် အူလာသည်။
"ရှောင်လု၊ ငါလဲပေးချင်တယ်။"စဲ့ရှီးအာခြေဖဝါးမြှောက်ကာ ၎င်းကိုသူ့နောက်ပြန်တွန်းပို့လိုက်ပြီး မည်းတူးသောမျက်နှာဖြင့်ပြောမိသည်။
"ဘေးကိုသွားစမ်းပါ။"သူကသူ့ဇနီးလေးကိုပန်းပေးနေတာကို ဒီငတုံးဝံပုလွေပေါက်ကဘာလုပ်နေတာတုန်း?
ဝံပုလွေဖြူလေးကသူ့ဘေးမှာလဲကျသွားပြီး သူပြန်ထလိုက်ချိန်မှာ ပဟေဠိဖြစ်သွားပုံပင်။ သူ့ဟာကလည်းကပန်းလက်ဆောင်ပဲလေ။ ဧကရီအန်းယာကိုပေးတုန်းကရပြီး အခုကျတော့ဝမ်ကဘာလို့မပျော်မရွှင်ဖြစ်သွားတာလဲ။
လင်ခုံးလုမှာချစ်စဖွယ်ဝံပုလွေဖြူလေး၏တုံးအအပုံစံလေးကြောင့်ရွှင်မြူးသွားရပြီး ထိုအခါမှသာနှင်းဆီပန်းကနေရာအတော်များများမှာခွေးကိုက်ခံထားရပုံပေါ်မှန်းသူသဘောပေါက်သွားပြီး နှင်းဆီပန်းအတွက်တစ်စက္ကန့်မျှစိတ်မကောင်းမဖြစ်ဘဲမနေနိုင်ပေ။
သူဒူးထောက်ချကာ ဝံပုလွေဖြူလေးကိုက်ထားသည့်နှင်းဆီပန်းများကိုယူလိုက်ပြီးနောက် စဲ့ရှီးအာကိုခေါ်ကာဒီနှင်းဆီပန်းများ၏ဆူးကိုဖယ်ခိုင်းပြီး ၎င်းတို့ကိုကြည်လင်သောရေဖြင့်ပန်းအိုးထဲမှာထည့်ခိုင်းလိုက်သည်။
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...