!unicode!
လင်ခုံးလု၏ငါးသေအကြည့်ကိုမြင်တော့ လင်ချင်းရွှီသူ့ကိုမနှစ်သိမ့်ဘဲမနေနိုင်တော့ပေ။
"စိတ်မပူပါနဲ့၊ ဧကရီအန်းယာရဲ့လူတွေကဟိုဟိုဒီဒီလျှောက်လုပ်မှာမဟုတ်လို့ မင်းမိတ်ဆွေအဆင်ပြေမှာပါ။ ငါတော်ဝင်မြို့တော်ကိုပြန်ရောက်ရင်အဲ့အကြောင်းကူစုံစမ်းပေးမယ်။""အဲ့ဒါကအဓိကမဟုတ်ဘူး။"
လင်ခုံးလုခေါင်းခါကာ ရုတ်ခြည်းထထိုင်လျက်ပြောမိသည်။
"ဦးလေး၊ ဦးလေးကစမ်းသပ်မှုတစ်ခုမှာအတော်လေးအားစိုက်ထုတ်ခဲ့ပေမဲ့ ရလဒ်ထွက်လာမဲ့အချိန်မှာ တစ်ယောက်ယောက်ကရောက်လာပြီး ဦးလေးရဲ့ရလဒ်တွေကိုတစစီဖျက်ဆီးပစ်လိုက်မယ်ဆိုရင် ဦးလေးဘယ်လိုခံစားရမှာလဲ။""လူသတ်ချင်စိတ်ပေါ်လာမှာပေါ့။"
လင်ချင်းရွှီမစဥ်းစားဘဲပြောလိုက်သည်။"ကျွန်တော်အခုအဲ့လိုဖြစ်နေတာ။"
လင်ခုံးလုတိတ်တိတ်လေးပြောလိုက်သည်။လင်ချင်းရွှီ: "...." အဲ့တော့ဘာလဲ၊ ဦးလေးကိုသတ်တာကဥပဒေကိုဆန့်ကျင်တာပဲနော်။
သူ၏အထင်လွဲမှုကထိုသို့ဖြစ်သွားစေခဲ့ခြင်းဖြစ်ရမည်ဟုသူလည်းခန့်မှန်းမိသည်။ သူချောင်းအသာဟမ့်ကာ လက်မြှောက်ပြီးလင်ခုံးလု၏ခေါင်းလေးကိုပွတ်ပေးကာ သူ့ကိုပြန်လှဲစေပြီးပြောလိုက်သည်။
"ကိစ္စကဒီလိုဖြစ်သွားပြီဆိုတော့ ငါတို့တော်ဝင်မြို့တော်ရောက်မှအဲ့အကြောင်းပြောကြတာပေါ့၊ အခုမင်းအတွက်အရေးကြီးဆုံးအရာကကောင်းကောင်းအနားယူဖို့ပဲ။"လင်ခုံးလုသက်ပြင်းချလျက်ခေါင်းငြိမ့်ပြလိုက်မိပြီး အခုစိုးရိမ်ပူပင်နေတာကအသုံးမဝင်မှန်းသိနေသည့်အပြင် သူ့ခန္ဓာကိုယ်ကဖော်ပြမရအောင်အိပ်ချင်နေသဖြင့် သူလှဲချပြီးတစ်ခဏအတွင်းမှာအိပ်ပျော်သွားတော့သည်။
သူအိပ်ပျော်သွားပြီးနောက် လင်ချင်းရွှီစောင်အပြင်ရောက်နေသည့်သူ့လက်ကိုကြည့်မိတော့ သူ့လက်ဖမိုးပေါ်မှာပေါ်နေသည့်မှိုစက်လေးကိုမြင်လိုက်ရပေရာ မနေနိုင်ဘဲသက်ပြင်းချမိပြီး တစ်အောင့်ကြာတော့သက်ပြင်းနင့်နင့်နဲနဲထပ်ချမိကာ သူ့လက်ကိုစောင်အောက်ထည့်ပေးကာ စောင်ခြုံပေးလိုက်သည်။
![](https://img.wattpad.com/cover/314337319-288-k57225.jpg)
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...