!unicode!
လုစစ်မနေ့ကပြန်သွားတုန်းက သူ့စိတ်အခြေအနေပေါ်မူတည်သည်ဟုပြောသွားခဲ့ပေမဲ့ ဒီနေ့လင်းပါးပါးသူ့ကိုဖုန်းခေါ်လိုက်တော့ သူကလာဖို့သဘောတူလာဆဲပင်။
လင်ခုံးလုစွပ်ပြုတ်ကိုဗူးနှစ်ဗူးကိုယ်စီထည့်ကာ ၎င်းတို့ကိုတိကျစွာပြင်ဆင်ပြီးနောက် တစ်ဖက်လူ၏ကားကအောက်ထပ်မှာရပ်လာသည်။
လင်ပါးပါးကလင်ရွှမ်းလော့ကိစ္စများကိုဆက်ဖြေရှင်းချင်တာမို့ မနက်စာစားပြီးနောက်အပြင်ထွက်သွားပြီး အိမ်တော်ထိန်းပသာသူ့ကိုစားစရာဗူးနှစ်ဗူးကူသယ်ပေးသည်။
ဤသည်ကိုမြင်လိုက်ရသော် မောက်မောက်ကကူညီဖို့ရှေ့တိုးလိုက်ပေမဲ့ လင်ခုံးလုကသူ့ခေါင်းကိုပုတ်ကာသက်ပြင်းချလာသည်။
"မောက်မောက်၊ ဒီနေ့မသွားနဲ့တော့နော်။"မောက်မောက်ကခေါင်းလေးစောင်းကာ သူ၏ချစ်စရာကောင်းမှုကြီးကိုဖော်ပြလို့နေသည်။
လင်ခုံးလုရှင်းပြလိုက်သည်။
"မင်းကလန့်စ်ရဲ့ပြိုင်ဘက်မဟုတ်ဘူးလေ။" သူ့ကိုသယ်သွားတာအသုံးမဝင်ဘူး။မောက်မောက်မိန်းမောသွားရကာ အလျင်စလိုပြောမိသည်။
"ဒါပေမဲ့ သခင်၊ ကျွန်တော်သခင့်ကိုဇာတ်လမ်းတစ်ပုဒ်ကူရေးပေးလို့ရတယ်လေ။ ကျွန်တော်မနေ့ကလန့်စ်ဆီကနေစကားလုံးတွေအများကြီးရခဲ့တယ်။"လင်ခုံးလု: "...ထားလိုက်တော့။"
မင်းတို့နှစ်ယောက်လုံးကတုံးလွန်းလို့ ဘယ်သူကဘယ်သူ့အပေါ်လှည့်ကွက်သုံးနေမှန်းမသိကြဘူးပဲ။ကားထဲတွင် လုစစ်ကကားနောက်ခန်းမှာထိုင်ကာ လန့်စ်ကိုကားမောင်းခိုင်းထားသည်။
အင်တာနက်နှင့်အဆက်အသွယ်ဖြတ်တောက်ထားရသည့်လန့်စ်မှာတိတ်ဆိတ်နေမိပြီး မပြောသင့်သည့်စကားများကိုမပြောတော့ပေ။
လင်ခုံးလုလက်ဦးမှုရယူကာ ဒီတစ်ခေါက်အနောက်ခန်းတွင်ဝင်ထိုင်လိုက်သည်၊ အဘယ်ကြောင့်ဆိုသော် သူကလုစစ်ကိုအာဟာရစွပ်ပြုတ်နှင့်"လာဘ်ထိုး"ချင်သောကြောင့်ဖြစ်သည်။
လုစစ်ခေါင်းစောင်းကာသူ့ကိုကြည့်လိုက်ပေမဲ့ အံ့သြသွားပုံမပေါ်ဘဲ အထူးသဖြင့် သူ့အမည်းကွင်းနှစ်ကွင်းကိုမြင်လိုက်ရချိန်တွင် သူကမသိမသာပင်ပြုံးလိုက်သေးသည်။
![](https://img.wattpad.com/cover/314337319-288-k57225.jpg)
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...