!unicode!
စဲ့ရှီးအာမှာလင်ခုံးလုကသွေးကိုသဘောမကျမှန်းသိတာမို့ သူ့နှာခေါင်းကိုအလျင်စလိုဆွဲညှစ်ကာ အခန်းထဲခုန်ဝင်ပြီး ရေချိုးခန်းထဲအမြန်ဝင်သွားလိုက်သည်။
ဒါပေမဲ့ရေချိုးခန်းမှာခုနကမှလင်ခုံးလုသုံးထားသဖြင့် အပူနှင့်ရေငွေ့ရှိနေတုန်းပင်။ စဲ့ရှီးအာမှာအနံ့ခံတအားကောင်းသဖြင့် လင်ခုံးလုထံမှကျန်ခဲ့သည့်အငွေ့အသက်ငယ်လေးကိုအလွယ်လေးရလိုက်သည်။ သူစိတ်ကူးကြည့်လို့ပင်ရသည်၊ သိပ်မကြာသေးခင်က တစ်ဖက်လူကဒီရေနွေးငွေ့ဝန်းရံခံထားရပြီး....
သူမနေနိုင်ဘဲပင့်သက်ရှိုက်လိုက်မိပြီး တောရိုင်းထဲမှာတုန်းက သူတောင်ဘေးရှိစမ်းချောင်းဘေးမှာမကြာခဏရပ်ကာ ရေချိုးနေသည့်လူလိမ်လေးကိုစောင့်ကြပ်ပေးခဲ့ရတာကိုသတိရသွားသည်။
တောင်ဘေးရှိစမ်းချောင်းမှာရေချိုးခန်းထက်ပိုကျယ်သဖြင့် သူတစ်ဖက်လူ၏အငွေ့အသက်ကိုမရနိုင်သကဲ့သို့ ရေငွေ့လည်းမရှိပေ။ သူမျက်လုံးထောင့်မှတဆင့်မတော်တဆမြင်ယောင်ကြည့်လိုက်သည်နှင့်.....
အု(ပ်စ်)၊ သွေးပြန်ယိုလာပေရာ သူ့နှာခေါင်းကိုအလျင်စလိုညှစ်လိုက်ရသည်။
"ကောင်းသွားပြီလား။ ငါဆရာဝန်ခေါ်ပေးဖို့လိုသေးလား။"
ထိုစဥ်လင်ခုံးလုအပြင်ကမေးလိုက်သည်။"မ မလိုဘူး၊ သွေးတိတ်သွားပြီ။" စဲ့ရှီးအာအနည်းငယ်ပျာယာခတ်သွားကာ အလျင်စလိုပြန်ဖြေလိုက်မိပြီး လင်ခုံးလုအထဲဝင်ပြီးသူ၏ရှက်ရွံ့မှုကိုလာကြည့်မှာစိုးလို့ ထပ်ပေါင်းပြောလိုက်သည်။
"ကိုယ်ရေအရင်ချိုးချင်တယ်။"လင်ခုံးလုသိပ်မတွေးဘဲ အမြန်ထပ်မေးလိုက်သည်။
"ရေအပူပေးစက်ကအလုပ်လုပ်လား။""အင်း။" စဲ့ရှီးအာပြန်ဖြေလိုက်သည်။
ဒီဟာကပထမဆုံးအကြိမ်မဟုတ်သကဲ့သို့ လူသားများကြားထဲပထမဆုံးရောက်လာခြင်းမဟုတ်ပေရာ သူပုံမှန်ဗဟုသုတများကိုအနည်းနှင့်အများလေ့လာပြီးပြီဖြစ်သည်။ ဖန်ကိုတိုက်မိတာကတော့ ကျွတ်၊ အဲ့ပစ္စည်းကအကြည်ဆိုတော့ သူဒီတိုင်းခဏမေ့သွားရုံပဲ။
![](https://img.wattpad.com/cover/314337319-288-k57225.jpg)
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...